Хоёр дүүргийн намын даргын хоршил

Сонгуулийн сурталчилгаа эхлээд зургаа дахь хоногтоо үргэлжилж буй. УИХ-ын сонгуулийн X тойрог Чингэлтэй, Сүхбаатарт ЦХХХ-ны сайд Н.Учрал, Чингэлтэйн Засаг дарга Н.Батсүмбэрэл нарын хамтрал хүчтэй байна.

Тэдний хэн хэн нь дүүргийн намын хорооны дарга. Н.Учрал Сүхбаатарынх, Н.Батсүмбэрэл Чингэлтэйнх. Энэ утгаараа хоёр дүүргийн намын дарга нар рейтинг өндөртэй байж, сурталчилгаагаа базаж чадаж байна гэж харагдав. МАН-ын багийн нэгдмэл байдал бусдаасаа илүү байна.

ЦХХХ-ны сайд Н.Учралын хувьд, цахим шинэчлэлийн хүрээнд хийсэн ажлуудаараа рейтинг өндөртэй байгаа. Засгийн газрынхаа хэд хэдэн бодлогын асуудалд орж, ажилласан. 

Харин Н.Батсүмбэрэлийн хувьд нийслэлийн дүүргүүдээс хамгийн олон ажил хийсэн Засаг даргаар нэрлэгдэнэ.

Энэ утгаараа МАН Засаг дарга нарт тодорхой боломжууд олгосны нэгийг нь Н.Батсүмбэрэлд өгөв. Түүний хувьд аж ахуйн хийгээд улс төрийн ажлыг зэрэгцүүлэх бололцоотой, өсөх ирээдүй бүхий залуу улстөрч гэдгээ энэ албан тушаалд батлан харуулсан. Чингэлтэйчүүдэд нэгэнт танигдсан кандидат.

Түүний удирдсан дүүрэг ил тод байдлаараа 100 хувийн үнэлгээ авч чаджээ. Дүүргийнх нь ногоон байгууламж нь нийслэлийн хэмжээнд тэргүүлсэн. Мөн гэрэлтүүлгээ илт сайжруулж, 11079 гэрэлтэй болчихсон аж. Эрүүл мэндийн байгууллагуудын бүтээн байгуулалтууд нь өргөжиж, шинэ эмнэлэг барих газраа ч чөлөөлж авсан байна. Хамгийн чухалд тооцогдох боловсролын байгууллага тэр дундаа багш нарыг дэмжих ажлуудыг тасралтгүй хийжээ. Цэцэрлэгүүдээсээ ч гар таталгүй дэмжиж, бүгдийг нь олон улсын хөтөлбөртэй болгосон гээд амжилтууд нь хөвөрч буй юм.

Энэ мэдээнд өгөх таны үнэлгээ

Хуваалцаарай Жиргээрэй