Австрали улсын иргэд Их Британийн хаан, III Чарльзын хөрөг зургийг үнэ төлбөргүй захиалж авч болдог байна. Өнгөрсөн долоо хоногт III Чарльз хаан Австралид айлчлахаас өмнө тус улсын парламентын гишүүн Патрик Горман ажлын газарт нь хааны хөрөг зураг авахаар ирсэн хүмүүст үнэгүй олгоно гэж мэдэгджээ. Горман “Associated Press” агентлагт хэлэхдээ хэд хэдэн хүн хөрөг авахаар ирсэн гэсэн юм.
Үндэстнүүдийн хамтын нөхөрлөлийн орнуудад ийм хачирхалтай хууль байдаг аж. Австралид хөрөг авахыг хүссэн хүмүүс холбооны төлөөлөгчийнхөө ажлын газарт очиж хүсэлт гарган авдаг байна. Шинэ Зеландад хүссэн хүн нь III Чарльзын хөргийг цахим хэлбэрээр татаж болдог. Харин Канад улсын иргэд хүргэлтийн мөнгөө төлбөл хааны хөргийг үнэ төлбөргүй авах эрхтэй байдаг. Хатан хаан II Элизабет 2022 онд таалал төгссөний дараа түүний хөрөг зургийн эрэлт нэмэгдэж байжээ.
Эх сурвалж: Associated Press
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.