Сангийн яамны газрын дарга Б.Доржсэмбэдийг мөнгө угаасан, хөрөнгөжсөн хэргээр шалгаж эхэлсэн үү

Сангийн яамны Санхүүгийн хяналт, эрсдэлийн удирдлагын газрын дарга Б.Доржсэмбэд хуулийн байгууллагад шалгагдаж эхэлсэн үү гэдэг асуудал үүсээд байна. Түүнийг мөнгө угаасан, үндэслэлгүй хөрөнгөжсөн байж болзошгүй гэх асуудлаар шалгаж байгаа гэх мэдээлэл гараад буй юм.

Эрүүгийн хуулийн

• 22.10 дугаар зүйлийн 1 /Үндэслэлгүйгээр хөрөнгөжих/,
• 18.6 дугаар зүйлийн 2.2 /Мөнгө угаах/-д заасан заалтаар тус, тус буруутгаж буй бололтой.

-ХОМ: 721 саяын үл хөдлөх хөрөнгө, 133 саяын автомашин, 195 саяын хадгаламжтай-

Нэн түрүүнд түүний хөрөнгийн мэдээллийг харж үзье. 2019 оноос АТГ-т хөрөнгө, орлогоо мэдүүлж эхэлжээ.

• Өөрийнх нь орлого: 2019 онд 402.7 сая байсан бол 2023 онд 111 сая гаруй болжээ
• Гэр бүлийн орлого: 2019 онд 6.1 сая байсан бол 2023 онд 68.7 сая болжээ.
• Орон сууц: нийт 721.5 сая төгрөг бүхий нийтийн орон сууц 3, авто зогсоол 1, дуусаагүй барилга 1 байдаг.
• Автомашин: 2019 онд 78 сая, 2023 онд 133 сая болж өссөн байна
• Газар: 5 сая
• Үнэт эдлэл: 100 сая
• Хадгаламж: 2019 онд 490 сая, 2023 онд 195 болж буурчээ.

-ТЕГ-ын хэлтсийн дарга Л.Батцэцэгтэй хамт хагас тэрбумын зээл авчээ-

ТЕГ-ын Улсын төсөв орлого хяналтын газрын хэлтсийн дарга Л.Батцэцэгтэй хамт "Голомт"-оос зээл авчээ. Зээлийн хэмжээ нь 2019 онд 414,408,000 төгрөг байсан бол 2023 онд 422,408,000 болж нэмэгдсэн байна.

Б.Доржсэмбэд “Интеко” ХХК, “Сант илч” ХХК, “Монголын Финтек групп” ХХК зэрэгт хувь эзэмшдэг.

Интека ХХК: Зар сурталчилгаа, худалдаагы зуучлал чиглэлээр үйл ажиллагаа явуулдаг компанид Батсангээгийн Доржсэмбэд хувь эзэмшдэг. Б.Доржсэмбэтэй хамтарч их хэмжээниий зээл авсан ТЕГ-ын Улсын төсөв орлого хяналтын газрын хэлтсийн дарга Л.Батцэцэг мөн эл компанийн хамаарал бүхий албан тушаалтан аж. Мөн Лхамсүрэнгийн Ариунболд, Нямсангийн Мөнхбат гэсэн хүмүүс хувь эзэмшдэг.

Интеко нь Шивээт-Өргөө ХХК, Энержиплас ХХК, Энержи плас инженеринг ХХК, Бүрэндулаан ХХК зэрэг компаниудад хувь эзэмшдэг аж.

Сант илч ХХК: Гадаад дотоод худалдааны чиглэлээр үйл ажиллагаа явуулдаг компанид Б.Доржсэмбэд Буянтогтохын Нямаа, Чогсомын Мөнхбаяр нарын хамт хувь эзэмшдэг.

-Сангийн яаманд арав гаруй жил ажиллажээ-

2016 оноос өмнөх Засгийн газрын үед Эгийн голын усан цахилгаан станцын төслийн удирдах хорооны гишүүнээр ажиллаж байжээ. 

Дараа нь Сангийн яаманд Нэгдсэн төсвийн бодлого, төлөвлөлтийн хэлтэс, Орлогын хэлтэс, Төсвийн хяналт, эрсдэлийн удирдлагын газар, Хөгж­лийн санхүүжилт, өрийн удирд­лагын газрын даргаар ажиллаж байжээ. 2016 оноос Сангийн яамны Нягтлан бодох бүртгэлийн бодлогын газрын даргаар ажилласан аж. Энэ үедээ Төрийн банк болон “Эр­дэнэт” үйлдвэрт давхар Төлөөлөн Удирдах зөвлөлийн гишүүнээр ажилласан.

Харин одоогийн албан тушаалдаа 2018.03.01-нд томилогдсон байна. Түүний удирддаг Санхүүгийн хяналт, эрсдэлийн удирдлагын газар нь Дотоод аудит, хяналт шинжилгээний үнэлгээний хэлтэс, Санхүүгийн хяналт шалгалтын хэлтэстэй. 2022 оны шилдэг  дотоод аудитороор шалгарсан аж.

Энэ мэдээнд өгөх таны үнэлгээ

Хуваалцаарай Жиргээрэй