Ч.Номин: Солонгос жуулчдыг Монголд визгүй зорчих эрхийг 2028 он хүртэл сунгахаар ярилцаж байгаа

Монгол Улсын Соёл, спорт, аялал жуулчлал, залуучуудын сайд Ч.Номинтой энэ сарын 18-ны өдөр БНСУ-ын Dong-A Ilbo агентлагт видео ярилцлага өгчээ.

Ингээд түүний ярилцлагын үеэр онцолсон солонгосчуудын визний асуудлыг орчуулан хүргэе.

Энэ оны эхний хагаст (1-6-р сард) Монголд ирсэн солонгосчуудын тоо 62321 болсон нь нийт гадаадын жуулчдын 20 хувийг эзэлж байна. Монгол Улс COVID-19 цар тахлын дараа аялал жуулчлалын салбараа сэргээхээр ажиллаж байна.

"Шууд нислэгийг нэмэгдүүлэх, визгүй болгох зэрэг олон арга хэмжээний улмаас Солонгосын жуулчдын тоо нэмэгдэж байгаа. Тиймээс улс хооронд нэвтрэх, монголын талаарх нөлөөллийн сурталчилгааг өргөжүүлэх ажлын хүрээнд хоёр улсын хооронд олон төрлийн хамтын ажиллагаа хийгдэж байна. Энэ хүрээнд солонгосчуудын визгүй зорчих эрхийг 2028 он хүртэл сунгах төлөвлөгөөг бид Солонгосын засгийн газартай хэлэлцэж байна. Визгүй нэвтрэх хугацааг сунгах асуудлыг нааштай байгаа гэж Ч.Номин БНСУ-ын Dong-A Ilbo агентлагт өгсөн ярилцлагадаа онцолжээ.

Мөн тэрбээр “2024 оны эцэс гэхэд 1 сая жуулчин авах зорилт тавьсан. Солонгос аялагчдын дунд Монголын нэр хүнд дахин сэргэж, тахлын өмнөх түвшинд хүрч, бага зэрэг өргөжиж байна. Монгол Улсын Төв банкны мэдээгээр 2018 онд 86 мянга, 2019 онд 103 мянга орчим солонгос иргэн манай улсад айлчилсан бол өнгөрсөн онд манай улсад 139 мянга орчим солонгос иргэн иржээ. Энэ нь 2022 оны зургадугаар сараас эхлэн түр хугацаанд хэрэгжиж эхэлсэн жуулчдыг визгүй зорчиход чухал нөлөө үзүүлж байна. Визгүй зорчих системийн хугацаа энэ сарын 31-нд дуусна.

Үүнтэй холбогдуулан бид 2024 онд дуусгавар болох байсан жуулчны визний хөнгөлөлтийн хугацааг (90 хоног) сунгах талаар ярилцаж байна” гээд “Солонгосоос мөн хүсэлт ирсэн” гэжээ. Мөн цаашлаад хоёр улс Солонгосын жуулчдыг 2028 он хүртэл визгүй зорчих асуудлыг нааштайгаар хэлэлцэж байна.

Монгол Улс яагаад өрсөлдөхүйц аялал жуулчлалын газар гэж тооцогддог вэ гэхээр “зөвхөн аялал жуулчлалын газар биш, орчин үеийн хүмүүсийн ээдрээтэй амьдралаас ангижирч буйг мэдрүүлдэг газар, та нам гүм байгалийг мэдэрч, амар амгаланг монголоос олж чадна. Нар жаргах, элсэн чаргаар гулгах өмнийн говь, “Эх далай” хочит хойд Хөвсгөл нуур зэрэг сонирхолтой газруудыг үзэхийг санал болгож байна” гэжээ.

Мөн “Монгол, Солонгос хоёр орон 800 орчим жилийн түүхтэй, гэр бүлийн үнэт зүйлд гүн гүнзгий үндэслэсэн нийтлэг соёл уламжлалтай. Хэрэв танд хурдацтай, эрч хүчтэй ертөнцөд өөрийгөө эргэцүүлэн бодох цаг хэрэгтэй бол Монгол бол өөрийгөө олж, өөрийгөө илүү сайн таньж мэдэх сайхан газар юм. Солонгосын залуу жуулчдын айлчлалыг бид онцгойлон хүлээж авдаг” гэсэн байна.

Д.ЖАРГАЛМАА

Энэ мэдээнд өгөх таны үнэлгээ

Хуваалцаарай Жиргээрэй