Даатгалын хураамжийн орлого 2024 онд 480.7 тэрбум төгрөгт хүрч, өмнөх оноос 88.7 (22.6%) тэрбум төгрөгөөр өсчээ. Үүнд хөрөнгийн даатгал 41.5 (47.5%) тэрбум төгрөгөөр, авто тээврийн хэрэгслийн даатгал 40.6 (43.2%) тэрбум төгрөгөөр, гэнэтийн осол, эмчилгээний даатгал 19.1 (33.9%) тэрбум төгрөгөөр өссөн нь голлон нөлөөлжээ.
Хураамжийн орлогын 87.6 хувийг сайн дурын даатгал, 11.5 хувийг албан журмын даатгал, 0.9 хувийг урт хугацааны буюу амьдралын даатгал эзэлж байна.
Даатгалын нөхөн төлбөр 2024 онд 160.4 тэрбум төгрөгт хүрч, өмнөх оноос 39.5 (32.7%) тэрбум төгрөгөөр өсөхөд мал амьтад даатгал 9.7(3.8 дахин) тэрбум төгрөгөөр, авто тээврийн хэрэгсэл даатгал 8.4 (23.0%) тэрбум төгрөгөөр, гэнэтийн осол, эмчилгээний даатгал 5.2 (24.0%) тэрбум төгрөгөөр өссөн нь голлон нөлөөлжээ.
- Нөхөн төлбөрийн 71.2 хувийг сайн дурын даатгал,
- 27.5 хувийг албан журмын даатгал,
- 1.3 хувийг урт хугацааны буюу амьдралын даатгал эзэлж байна.
Даатгуулагчид 2024 онд 1604.3 мянга болж, өмнөх оноос 58.0(3.8%) мянгаар өсжээ.
- Даатгуулагчдын 79.8 хувь нь иргэн,
- 20.2 хувь нь хуулийн этгээд буюу аж ахуйн нэгж, байгууллага байна.
Нийт даатгуулагчдын 53.0 хувийг албан журмын даатгал, 46.9 хувийг сайн дурын даатгал, 0.1 хувийг урт хугацааны буюу амьдралын даатгал эзэлж байна
З.УЧРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ЭХ СУРВАРЖАА Л БИЧИХ ХЭРЭГТЭЙ БАЙГААМДАА ДАНДАА ХУЛГАЙЧ НОХОЙ ШИГ