Ватикан мягмар гарагт /2025.02.18/ мэдэгдэл хийхдээ Пап лам Францисын хоёр уушгинд хатгаа үүссэн гэжээ. Тус улс “Лабораторийн шинжилгээ, цээжний рентген зураг болон ариун эцгийн эмнэлзүйн шинж тэмдэг зэрэг нь нарийн төвөгтэй халдварыг илтгэж байна” хэмээсэн юм. Гэсэн хэдий ч пап лам сэтгэл өөдрөг байгаа гэж Ватиканы хэвлэлийн төлөөлөгч Маттео Бруни хэлсэн байна.
Францисын гуурсан хоолойн үрэвсэл даамжирсны улмаас тэр баасан гарагт /2025.02.14/ Ром хот дахь Гемелли эмнэлэгт хэвтсэн. Даваа гарагт /2025.02.17/ эмч нар нэмж шинжилгээ авсны дараа Францис олон эмгэг төрөгчийн гаралтай халдвар авсан гэдгийг тодорхойлсон юм. Энэ нь түүний амьсгалын замд бактери, вирус мөн бусад эмгэг төрөгч халдвар үүсгэсэн байх магадлалтай гэсэн үг.
Одоогийн байдлаар Францис нэмэлт хүчилтөрөгч хэрэглэж байгаа эсэх нь тодорхойгүй байна. Пап лам хэр удаан хугацаагаар эмнэлэгт хэвтэх нь мөн тодорхойгүй байгаа юм. Эмч нар түүнийг эмнэлэгт хэвтсэнээс нь хойш эмчилгээг хоёр удаа өөрчилжээ. Ватикан даваа гарагт мэдэгдэл хийхдээ пап лам шаардлагатай хугацаагаар эмнэлэгт хэвтэнэ гэсэн юм.
Эх сурвалж: Euro News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Huiten chuluun baishind udaan zogsohoor argaggui