АНУ-ын Батлан хамгаалахын сайд Пит Хэгсет БНХАУ Тайваньд аюул заналхийлж буйг анхааруулж, Азийн орнууд батлан хамгаалахын зардлаа нэмэгдүүлэхийг уриалсан. Тэрбээр Сингапурт болж буй Шангри-ла батлан хамгаалахын чуулганы үеэр ингэж хэлсэн юм.
Тэгвэл БНХАУ-ын Гадаад хэргийн яам мэдэгдэл хийхдээ Хэгсет гутаан доромжилсон үг хэллээ гэж буруутгажээ. Мөн Бээжин бүс нутаг дахь орнуудад энх тайвныг уриалгыг Хэгсет зориудаар үл тоомсорлож байна гэсэн юм. БНХАУ Энэтхэг-Номхон далайн бүсэд аюул заналхийлж байна гэж Хэгсет хэлснийг Хятадын Гадаад хэргийн яам эсэргүүцжээ.
Тус яам мэдэгдэл хийхдээ “АНУ нь Өмнөд Хятадын тэнгист довтолгооны зэвсгүүдээ байрлуулж, гал бадрааж, Ази-Номхон далайн бүс нутагт хурцадмал байдал үүсгэсээр байгаа нь бүс нутагт аюултай нөхцөл байдал үүсгэж байна” гэсэн юм. Мөн тус мэдэгдэлдээ АНУ-ыг Шангри-ла уулзалтыг ашиглан маргаан дэгдээх, үл ойлголцол үүсгэх гэх мэт хувиа хичээсэн зорилгоор ашигладаг гэсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.