Танилц: Одоогийн Засгийн газрын БҮТЭЦ ба БҮРЭЛДЭХҮҮН

Монгол Улсын 34 дэх Ерөнхий сайдаар Гомбожавын Занданшатарыг томилоод байна.

Тэрбээр өнөөдөр үдээс хойш өөрийн Засгийн газрын бүтэц ба бүрэлдэхүүний тухай хуулийг өргөн барьж, УИХ-аар хэлэлцүүлэн, сайд нараа томилох чигтэй байгаа юм.

Өдгөө яригдаж буйгаар, Г.Занданшатар нь Л.Оюун-Эрдэнийн Засгийн газрын бүтцийг төдийлөн өөрчлөхгүй, бүрэлдэхүүнд тодорхой өөрчлөлт оруулна гэх мэдээлэл бий.

Тэгвэл Л.Оюун-Эрдэнийн өргөн барьж батлуулсан хуулиар, одоогийн Засгийн газар дараах бүтэцтэй байгаа. Ерөнхий чиг үүргийн дөрөв, чиглэлийн 12, нийт 16 яамтай.

Ерөнхий чиг үүргийн:

1. Эдийн засаг, хөгжлийн яам;
2. Гадаад харилцааны яам;
3. Сангийн яам;
4. Хууль зүй, дотоод хэргийн яам;

Чиглэлийн:

1. Аж үйлдвэр, эрдэс баялгийн яам;
2. Батлан хамгаалах яам;
3. Байгаль орчин, уур амьсгалын өөрчлөлтийн яам;
4. Боловсролын яам;
5. Гэр бүл, хөдөлмөр, нийгмийн хамгааллын яам;
6. Зам, тээврийн яам;
7. Соёл, спорт, аялал жуулчлал, залуучуудын яам;
8. Хот байгуулалт, барилга, орон сууцжуулалтын яам;
9. Хүнс, хөдөө аж ахуй, хөнгөн үйлдвэрийн яам;
10. Цахим хөгжил, инновац, харилцаа холбооны яам;
11. Эрчим хүчний яам;
12. Эрүүл мэндийн яам.

Харин Засгийн газрын бүрэлдэхүүний тухай хуулиар Л.Оюун-Эрдэнэ нь 23 сайд бүхий орон тоо батлуулсан. Үүнд Ерөнхий сайд өөрөө, гурван шадар сайд, гурван Үндэсний хорооны дарга статус бүхий сайд нар бий.

1. Монгол Улсын Ерөнхий сайд;
2. Монгол Улсын Засгийн газрын гишүүн-Монгол Улсын Тэргүүн Шадар сайд бөгөөд Эдийн засаг, хөгжлийн сайд;
3. Монгол Улсын Засгийн газрын гишүүн-Монгол Улсын Шадар сайд;
4. Монгол Улсын Засгийн газрын гишүүн-Монгол Улсын Шадар сайд;
5. Монгол Улсын Засгийн газрын гишүүн-Монгол Улсын сайд, Засгийн газрын Хэрэг эрхлэх газрын дарга;
6. Монгол Улсын Засгийн газрын гишүүн-Монгол Улсын сайд, Хяналт, үнэлгээний Үндэсний хорооны дарга;
7. Монгол Улсын Засгийн газрын гишүүн-Монгол Улсын сайд, Боомтын сэргэлтийн Үндэсний хорооны дарга;
8. Монгол Улсын Засгийн газрын гишүүн-Монгол Улсын сайд, 20 минутын хот Үндэсний хорооны дарга;
9. Монгол Улсын Засгийн газрын гишүүн-Гадаад харилцааны сайд;
10. Монгол Улсын Засгийн газрын гишүүн-Сангийн сайд;
11. Монгол Улсын Засгийн газрын гишүүн-Хууль зүй, дотоод хэргийн сайд;
12. Монгол Улсын Засгийн газрын гишүүн-Аж үйлдвэр, эрдэс баялгийн сайд;
13. Монгол Улсын Засгийн газрын гишүүн-Батлан хамгаалахын сайд;
14. Монгол Улсын Засгийн газрын гишүүн-Байгаль орчин, уур амьсгалын өөрчлөлтийн сайд;
15. Монгол Улсын Засгийн газрын гишүүн-Боловсролын сайд;
16. Монгол Улсын Засгийн газрын гишүүн-Гэр бүл, хөдөлмөр, нийгмийн хамгааллын сайд;
17. Монгол Улсын Засгийн газрын гишүүн-Зам, тээврийн сайд;
18. Монгол Улсын Засгийн газрын гишүүн-Соёл, спорт, аялал жуулчлал, залуучуудын сайд;
19. Монгол Улсын Засгийн газрын гишүүн-Хот байгуулалт, барилга, орон сууцжуулалтын сайд;
20. Монгол Улсын Засгийн газрын гишүүн-Хүнс, хөдөө аж ахуй, хөнгөн үйлдвэрийн сайд;
21. Монгол Улсын Засгийн газрын гишүүн-Цахим хөгжил, инновац, харилцаа холбооны сайд;
22. Монгол Улсын Засгийн газрын гишүүн-Эрчим хүчний сайд;
23. Монгол Улсын Засгийн газрын гишүүн-Эрүүл мэндийн сайд.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй