Нийслэлийн замын хөгжлийн газраас ойрын өдрүүдэд зам хаах байршлуудыг мэдээлсэн байна.
Бөхийн өргөөний уулзвараас Натурын зам хүртэл хааж, шинэчилж дууссан байна.
Баянзүрх дүүрэг, 6, 15, 18-р хороо Сангийн хорооны гудамжны засвар, шинэчлэлтийн ажлын хүрээнд Бөхийн өргөөний уулзвараас Натурын зам хүртэлх авто замыг долдугаар сарын 15-ны 23:00 цагт хаасан. Замыг долдугаар сарын 17-ны 06:00 цагт буюу өнөөдөр нээсэн аж.
Харин үргэлжлүүлээд Бөхийн өргөөнөөс Зүүн дөрвөн замын уулзвар хүртэлх замыг хааж, шинэчлэх хуваарьтай байна.
Тодруулбал, Баянзүрх дүүрэг, 3, 15-р хороо Энхтайваны өргөн чөлөөний хэсэгчилсэн засвар, шинэчлэлтийн ажлын хүрээнд Бөхийн өргөөнөөс Зүүн дөрвөн замын уулзвар хүртэлх авто замыг долдугаар сарын 18-ны 22:00 цагт хаана. Ингээд долдугаар сарын 20-ны 06.00 цагт нээх аж.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.