Лхагва гарагт /2025.07.22/ хүмүүнлэгийн тусламж болон эрхийг хамгаалах 100 гаруй байгууллага Газын зурваст үүсээд буй өлсгөлөнгийн эсрэг арга хэмжээ авахыг дэлхийн засгийн газруудад уриалсан байна. Байгууллагууд дайныг бүрмөсөн дуусгаж, хүмүүнлэгийн тусламжийн урсгалд тавьсан бүх хязгаарлалтыг цуцлахыг шаарджээ.
“Mercy Corps”, “Norwegian Refugee Council”, “Refugees International” зэрэг 111 байгууллага гарын үсэг зурсан тэрхүү мэдэгдэлд Газын зурвасын олон оршин суугч өлсгөлөнд нэрвэгдэж байна гэсэн юм. Газын зурвасын гадна олон тонн хоол хүнс, цэвэр ус, эрүүл мэндийн хэрэгсэл гэх мэт зүйлс байгаа ч хүмүүнлэгийн тусламжийн бүлгүүд тэдгээр барааг оруулж ирж чадахгүй байгаа аж.
Тус мэдэгдэл “Израилын засгийн газрын бүслэлт Газын зурвасын ард түмнийг өлсгөж буй энэ үед хүмүүнлэгийн тусламжийн ажилчид хүртэл хоол авахаар дугаарлаж эхэллээ. Тэд буудуулах эрсдэлтэй орчинд гэр бүлээ хооллохын тулд дугаарлан зогсох болсон. Хангамж бүрэн дуусаж байгаа тул хүмүүнлэгийн байгууллагууд өөрсдийгөө болон хамтран ажиллагчид нь тэдний нүдэн дээр үрэгдэж байгааг харж байна” гэжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.