Израил бямба гарагт /2025.07.26/ мэдэгдэл хийхдээ Газын зурваст нисэх онгоцоор тусламж унагаахыг үргэлжлүүлэн явуулж эхэлсэн гэжээ. Мөн тус нутагт үүсээд буй хүмүүнлэгийн хямралыг намжаахын тулд өөр хэд хэдэн арга хэмжээ авч байгаа гэж мэдэгдсэн байна.
Газын зурваст тусламж үзүүлж буй НҮБ-ын цувааг аюулгүй хөдөлгөх зорилгоор хүмүүнлэгийн коридор байгуулж, хүн ам шигүү суурьшсан газруудад хүмүүнлэгийн түр зогсолт хийнэ гэж Израилын зэвсэгт хүчин мэдээлжээ. Палестины эх сурвалж Газын зурвасын хойд бүсэд тусламж бууж эхэлснийг баталсан байна. Газын зурваст гал зогсоох зорилготой хэлэлцээ Катарын нийслэл Дохад явагдаж байсан нь ямар нэгэн ахиц гаргаагүйн дараа Израил ингэж мэдэгдэл хийсэн юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.