Спортын тайлбарлагч С.Шижирбат: Н.Өсөхбаяраас S1 ангиллын бүх цаг үед хориотой стеройд илэрсэн

Спортын тайлбарлагч С.Шижирбат өөрийн цахим хуудастаа допингтой холбоотой дараах мэдээллийг оруулжээ.

Үүнд,

"Н.Өсөхбаяраас S1 ангиллын бүх цаг үед хориотой стеройд илэрсэн. Германы лаборатори ВАДА руугаа тайлангаа явуулдаг гэдгийг дахин дахин хэлээд байгаа шүү. 23 жил Монголчууд допингийн хэрүүл хийлээ. Хавтгайрсан гэдгээ бүгд мэднэ. Хоног циклдээ алдаад л азаартдаг.

Сүүлийн 2 жил цагдаа, тагнуул, АТГ-ийн ажилтнууд дүрмийн дагуу сургалтад сууж наадмын допингийн шинжилгээг хянадаг болсон. Хяналтгүй байсан он жилүүдийн асуудлуудыг яриад ч нэмэргүй болсон. Наадмын өмнө явцын шинжилгээнээс 10-аад сумын заануудаас илэрсэн.

Одоо Төрийн ордонд холбогдох байгууллагууд нь ороод УИХ-ын гишүүд ороод хаалттайгаар допингийн сонсгол хийе ээ. Нээлттэй хийвэл худлаа яриад жүжиглэх учраас хаалттай хийе. Цаашдаа ямар өөрчлөлтүүд хийх үү гэдгээ ярилцъя. Монада ажлаа хийж чадахгүй байна. Ямар бодисууд илэрснийг зарлахгүй зориуд гацааж байна. Хөндлөнгийн нөлөө ороод байвал яах вэ.

Үр дүнгийн удирдлагын багаа зөв бүрдүүлээд алдаагүй байх ёстой байтал энэ баг нь шийдвэрээ гаргаж чадахгүй гацчихсан. Энэ багт нь наадмын комиссын Давааням, Жамьянхүү, Монадагийн Зүчи гэсэн 3 хүн байна. Дүрмээ мэдэхгүй өөрсдөө дүрмээ зөрчөөд байдаг. Энэ 3 хүн гурвуулаа Үр дүнгийн удирдлагын багт байх ёсгүй ээ.

Зүчи нь Монадагийн ажилтан бөгөөд шинжилгээ авах үйл ажиллагаанд ордог, Монадагийн ажилтан бөгөөд шинжилгээнд орсон хүн Үр дүнгийн удирдлагын багт ордоггүй юмаа. Наадмын комисст байгаа хүмүүс бас Үр дүнгийн удирдлагын багт ордоггүй юмаа. Допингийн эсрэг дүрмийн 8.2, 8.4, 8.6-гийн заалтуудаа уншаа.

Одоо шаардлага хангасан хүмүүсийг Үр дүнгийн удирдлагын багт томилоод шийдвэрийг нь гаргуулах ёстой" гэсэн байна.

Т.ГЭРЭЛТ-ИРЭЭДҮЙ

Энэ мэдээнд өгөх таны үнэлгээ

Хуваалцаарай Жиргээрэй