2025 оны Дэлхийн аварга шалгаруулах боксын тэмцээн ирэх сарын 4-нд эхэлнэ. 10 хоног үргэлжлэх уг тэмцээн Их Британи улсын Ливерпүүл хотноо болох юм. Манай улсаас эмэгтэй, эрэгтэй тус бүр таван тамирчин эх орноо төлөөлөн оролцоно. Тодруулбал,
Эмэгтэй,
- 48 кг Л.Алтанцэцэг
- 51 кг Б.Мөнгөнсаран
- 54 кг О.Есүгэн
- 57 кг М.Энхжаргал
- 60 кг М.Намуун
Эрэгтэй,
- 50 кг А.Баттулга
- 55 кг Х.Билгүүнсайхан
- 60 кг Г.Лундаа
- 65 кг Б.Мишээлт
- 70 кг О.Бямба-эрдэнэ нарын нэрсийг албан ёсоор Монголын боксын холбоо зарлаад байна.
"World Boxing" холбооны дүрмийн 1.10.11-р зүйлд заасны дагуу дэлхийн аваргын тэмцээн нь тамирчдын чансааг оноогоор тогтоох шинэ системд шилжиж байна. Энэ нь Олимпын эрхийн тэмцээнд оролцох тамирчдын онооны эрэмбийг тодорхойлно. Ингэснээр олимпын эрх авах боломжид шууд нөлөө үзүүлэх юм.
Онооны хуваарилалт
- Алтан медаль (Champion) 1,500 оноо
- Мөнгөн медаль (Silver medal) 1,000 оноо
- Хүрэл медаль (3–4-р байр) 600 оноо
- 5–8-р байр 300 оноо
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.