Монгол орны ихэнх гол мөрний есдүгээр сарын усны дундаж өнгөрөлт олон жилийн дунджаас ахиу байх төлөвтэй байна. Тухайлбал, Сэлэнгэ, Үүр, Ховд, Халх, Онон, Туул, Хэрлэн, Хараа зэрэг гол олон жилийн дундаж өнгөрөлтөөс 5-155 м3/с ахиу байхаар байна. Мөн Алтай нуруунаас эхтэй Богд, Булган, Буянт, Тэрэлж, Орхон, Дэлгэрмөрөн зэрэг гол олон жилийн дундаж өнгөрөлтөөс 5-45 м3/с бага төлөвтэй аж. Үүнээс гадна Хараа, Эг, Шишхэд, Чигж, Бэлтэс зэрэг голууд олон жилийн дундаж өнгөрөлттөй ойролцоо урсацтай байх төлөв гарчээ.
Хэдийгээр зарим гол мөрний услагийн дундаж хэмжээ олон жилийн дунджаас бага байх төлөвтэй байгаа боловч түр хугацаанд орсон хур тунадасны эрчимшил, хэмжээнээс шалтгаалан усны түвшин огцом нэмэгдэж, түр зуур үерлэж болзошгүй байна.
Иймд гол мөрөн ба хуурай сайр, гуу жалга даган нутаглаж буй малчид, иргэдийг үер усны аюулаас болгоомжлохыг цаг уур, орчны шинжилгээний хүрээлэнгээс анхааруулж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.