Өсвөр насны хоёр хүүхдийг биеийг нь үнэлүүлж байсан этгээдүүдийг илрүүлжээ

Орхон аймагт өсвөр насны хоёр хүүхдийг нэр бүхий зочид буудалд хүчээр авчран бусдад худалдаж, биеийг нь үнэлүүлж байсан этгээдүүдийг цагдаагийн байгууллагаас илрүүлжээ.

Тус хэрэгт холбогдсон этгээдүүдэд “Эрүүгийн хуулийн тусгай ангийн 13.1 дүгээр зүйлийн 2 дахь хэсгийн 2.1, 13.5 дугаар зүйлийн 2 дахь хэсгийн 2.1, 12.1 дүгээр зүйлийн 2 дахь 2.1 дэх хэсэгт тус тус зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулж байгаа” гэж цагдаагийн байгууллагаас мэдээллээ.

Мөн тухайн хэргийг энэ оны наймдугаар сарын 25-ны өдөр шүүхэд шилжүүлэх саналтай Нийслэлийн прокурорын газарт хүргүүлсэн байна.

Цагдаагийн байгууллага энэ оны эхний долоон сарын байдлаар 82.429 хэрэг бүртгэлт, мөрдөн байцаалтын хэрэгт мөрдөн шалгах ажиллагаа явуулж өнгөрсөн долоо хоногт буюу  наймдугаар сарын 25-29-ний өдрүүдэд “Шүүхэд шилжүүлэх саналтай” Прокурорын байгууллагад 363 хэргийг хүргүүлжээ.

Үүнээс:

• Хүний амьд явах эрхийн эсрэг 6
• Хүний эрүүл мэндийн халдашгүй байдлын эсрэг 126
• Хүний бэлгийн эрх чөлөө халдашгүй байдлын эрэг 13
• Өмчлөх эрхийн эсрэг 108
• Олон нийтийн аюулгүй байдал, ашиг сонирхлын эсрэг 10
• Хүрээлэн байгаа орчны эсрэг 11
• Хөдөлгөөний аюулгүй байдал, тээврийн хэрэгслийн ашиглалтын журмын эсрэг 77, бусад 12 хэрэг бүртгэгджээ.

                                                                                                                     Б.ЛУВСАНПЭРЭНЛЭЙ

Энэ мэдээнд өгөх таны үнэлгээ

Хуваалцаарай Жиргээрэй