Гишүүдийн ирц хүрээгүй тул аж ахуй нэгжүүдэд Монголбанкнаас репо санхүүжилт олгох асуудлыг хойшлууллаа
УИХ-ын чуулганы үдээс хойших хуралдаанаар Стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийн төслийг хэлэлцсэн билээ.
Уг хуулийн төсөлтэй холбоотойгоор УИХ-ын гишүүд Аж үйлдвэр, эрдэс баялгийн сайд Г.Дамдиннямаас асуулт асууж хариулт авсан юм. Хуулийн төслийн агуулга нь шатахуун импортлогч аж ахуй нэгжүүдэд 500 тэрбумын репо санхүүжилтийг Монголбанкаар олгуулах. Гэхэдэ энэ дүн нь ердөө нэг сарын шатахууны нөөцийн сав л бэлдэх боломжтой бөгөөд 6 сарын нөөций сав бэлдэнэ гэвэл 3 их наяд төгрөг шаардлагатай. Хуулийн төслийг 2030 он хүртэл хэрэгжүүлэх бөгөөд УИХ-ын зарим гишүүний зүгээс хугацааг 2-3 жилээр байх нь зөв гэсэн саналыг мөн хэлсэн юм.
УИХ-ын дарга Н.Учрал хэлэлцэж буй асуудлаар санал хураахын тулд чуулганы ирц бүрэн байх ёстойг анхааруулж, уг хуулийн төслийг маргаашийн чуулганы хуралдаанаар хэлэлцүүлэхээр хойшлууллаа.
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.