ФОТО: Л.Пүрэвбаатарын 1.4 тэрбумын үнэтэй хаусыг албадан чөлөөлөв

УБТЗ-ын дарга асан Л.Пүрэвбаатарын байрыг өнөөдөр /2019.06.24/ 10:00 цагаас Шүүхийн шийдвэр гүйцэтгэх ерөнхий газраас албадан чөлөөллөө. Түүнийг Улаанбаатар төмөр замын дарга байхдаа буюу 2014 оны 12 дугаар сард төмөр замын удирдах байгууллага буюу ТУЗ-ийн шийдвэрээр төмөр замын даргаар томилогдохдоо ажил олгогч буюу Ерөнхий  хороотой контрактын гэрээ байгуулалгүйгээр тухайн үеийн Төрийн өмчийн хорооны даргын үүргийг түр орлон гүйцэтгэгч Н.Цогтбаатартай хууль бусаар гэрээ байгуулж, УБТЗ-ын хөрөнгөөр өндөр үнэ бүхий хаус худалдан авсан хэмээдэг.

Өнөөдөр уг хаусыг албадан чөлөөлөх үеэр Л.Пүрэвбаатар сэтгүүлчдэд дараах тайлбарыг өглөө. “Энэ байрны хөрөнгө хувь нийлүүлсэн УБТЗ-ын хөрөнгө. Энэ бол Монголын ард түмний хөрөнгө биш ОХУ-ын хөрөнгө юм. Би ажлаа хүлээлгэж өгөхдөө 110 тэрбум төгрөгийг дансанд хүлээлгэж өгсөн. Энэ мөнгөний нэгээс хоёр хувийг надад шагнал болгон өгнө гэхэд би авахгүй гэсэн. Би энэ байрыг зараад төмөр замчдын байрны мөнгөнд хандивлаж чадахгүй. Яагаад гэвэл үүнийг Москвад  ТУЗ-ын шийдвэр гарч байж өгдөг юм. Дархан, Улаанбаатарт байгаа долоон байрыг төмөр замчиддаа хэд дахин явж Засгийн газрын хамтарсан хурал шийдвэр гарч байж энэ байрыг авхуулж байсан. Энэ хөрөнгийг ямар нэгэн байдлаар “саана” гэдэг маш хэцүү. Шаардлагатай бол их хурлаар ордог. Урьд нь байсан дарга нар тухайн үедээ хамгийн үнэтэй байр авсан. Миний амьдарч буй байр бол жижигхэн компанийн захирлын амьдардаг байр шүү дээ. Би энэ байрыг чөлөөлөөд жилийн дараа зарах шийдвэр хувь нийлүүлсэн байгууллагаас гарна. Үүнийг зараад тэр мөнгийг УБТЗ-ын орлогод өгөхгүй” гэлээ.

Т.САНТ

ГЭРЭЛ ЗУРГИЙГ: А.МАНДУУЛ

Энэ мэдээнд өгөх таны үнэлгээ

Хуваалцаарай Жиргээрэй