Мөрөөдлөө "урсгах"-ыг хүсээгүй Ши Жиньпин бусад хотоо усанд урсгав уу

Хятадын удирдагч Ши Жиньпин 2017 оны хоёрдугаар сарын сүүлээр Бээжингээс өмнө зүгт 100 км-т орших тариалангийн талбай болон бохирдсон намгархаг газрыг судлахыг цөөн тооны зөвлөхийн хамт цугласан байдаг.

Сар гаруй хугацааны дараагаар Хятад улс тус бүсийг байгальд ээлтэй, өндөр технологийн төв болгон хувиргах "1000 жилийн ач холбогдолтой" төлөвлөгөөг зарласан билээ.

Тухайн үед "Шион Ань шинэ бүс"-ийг эхлүүлэх төлөвлөгөө нь үер, ган гачигт өртөмтгий нам дор газар, намгархаг газар нутгийг хамарсан байгаль орчны сорилтыг шинэ хот хэрхэн даван туулах вэ гэх асуултыг төрүүлж буй.

Дээрх асуултууд зургаан жилийн дараа гарч буй шалтгаан нь үер. Долоодугаар сарын сүүл, наймдугаар сарын эхээр олон арван хүний аминд хүрсэн 1.5 гаруй сая хүнийг нүүлгэн шилжүүлсэн их хэмжээний бороо, үерийн улмаас Шион Ань хот орших Бээжин болон түүний ойр орчмын Хэбэй мужид учирсан борооны асуудлууд бий.

Олон арван төрийн өмчит аж ахуйн нэгжийн оффисууд баригдаж байгаа Шион-Аний гол суурин газрууд их хэмжээний үерийн талаар мэдээлээгүй байна. Тиймээс л олон тэрбум ам.долларын хот барих шийдвэр нь хэр оновчтой байсан бэ.

-Ши-гийн мөрөөдлийг аюулгүй байлгах нь-

Долоодугаар сарын сүүлээр хүчтэй аадар бороо орсны дараа Хятадын үерийн хяналтын дээд албан тушаалтнууд уулзаж, хариу арга хэмжээ авах төлөвлөгөөгөө хэрэгжүүлэхээр болжээ. Тэдний тэргүүлэх зорилтуудын нэг нь нийслэл Бээжин, Шион ань хотыг туйлын аюулгүй байлгах явдал байв.

Сүүлийн 140 жилд болоогүй ширүүн борооны улмаас үер бууж, машин, гүүр, замуудыг урсгаснаар Бээжин хотын баруун захын уулархаг нутаг хамгийн түрүүнд гамшигт өртсөн. Цаашлаад уулнаас урсаж буй үерийн усыг Хэбэйн тал дахь хот, тосгон, тариалангийн талбайг дайран урсдаг явдлыг хэрхэн зохицуулах хэцүү шийдвэртэй албаныхан нүүр тулсан юм.

Долоодугаар сарын 30-ны өдөр олон зуун мянган хүн амьдарч байсан газарт ус зайлуулах шийдвэр гарсан. Бээжингээс өмнө зүгт орших Жуожөү хот хамгийн их хохирол амссан бөгөөд гудамж, байшин, ойр орчмын газрууд метрийн булингарт усанд автсан байна. Олон нийтийн сүлжээгээр зарим оршин суугчид урьдчилан анхааруулга аваагүй гэж мэдэгдсэн бол зарим нь нүүлгэн шилжүүлэх мэдэгдэл хэтэрхий оройтсон эсвэл нөхцөл байдал хэр ноцтой байгааг тайлбарлаагүй гэж мэдэгджээ.

Үерийн ус мөн Хэбэй мужийн Бажоу хотын тосгон, тариалангийн талбайг усанд автуулж, олон арван оршин суугчид нөхөн төлбөр шаардахаар хотын захиргааны оффисын гадаа жагссан гэж олон нийтийн мэдээллийн хэрэгслээр дамжуулав.

Хятадын хуулийн дагуу үерийн агуулахын оршин суугчид орон сууцны хохирлын 70 хувийг нөхөн төлүүлэх эрхтэй. Нийслэл Бээжин, Шион ань болон Тяньжин боомт хотод үзүүлэх нөлөөллийг багасгахын тулд Жуожөү болон Хэбэй мужийн бусад газарт үерийн усыг цутгах шийдвэр гаргасан гэсэн албаны хүмүүсийн санал шүүмжлэлд өртөв.

-Ши-гийн мөрөөдлийг хамгаалахын тулд өөр хотыг усанд автуулсан төлөвлөгөө-

Шион ань хотоос Байгоу голын дагуу 30 милийн зайд орших Жуожөү хотын хувьд Ши Жиньпинийн мөрөөдлийн хотыг хамгаалах, мөн үерийн уснаас хамгаалах хамгаалалт нь хэрхэн зогсох талаар дээд түвшний үүрэг гүйцэтгэгч, мэргэжилтнүүд санаа зовнин, ажиллаж байсан нь үерийн асуудалд ихээхэн нөлөө үзүүлсэн хэмээн таамаглаж буй.

Тодруулбал, долоодугаар сарын 20-нд болсон шуурганд бэлтгэж байх явцдаа Хятадын Усны нөөцийн сайд Ли Гуоин үерийн голомтыг өөрчлөх төлөвлөгөө гаргахыг албаныханд тушаажээ.

Австралийн Үндэсний Их Сургуулийн докторын дараах судалгааны ажилтан Хунжан Сю хэлэхдээ "Эрх баригчид үерийн эсрэг шинэ дэд бүтцээ авч үзэн Шион Анд үзүүлэх дарамтыг бууруулахын тулд Жуожөү хотод ус гаргасан байх магадлалтай" гэжээ.

Жижиг хотууд болон хөдөө тосгоныг золиослох замаар том хотуудыг хамгаалах нь Хятад болон бусад газар үерийн гол стратеги байсаар ирсэн гэж тэр нэмж хэлэв.

Хятадын геологич Фан Сяо хэлэхдээ, "эрх баригчид Жуожөүгийн үерийн зарим хэсгийг зохицуулснаар үерийн оргил үеийг бууруулж, урсгалын доод хэсэгт ирэх дарамтыг хойшлуулж чадсан. Энэ нь Шион Аньд үзүүлэх нөлөөллийг бууруулж байна" гэлээ.

"1000 жилийн ач холбогдол-

Эхэнд дурдсанчлан уг газрын бүтэц нь үерийн усанд тэсвэргүй. Тиймээс шинжээчид хэрэв хүн ам нь таван саяд хүрвэл 100 жилийн турш үерийн гамшигт өртөх эрсдэлтэй Шион аний шинэ бүсийн хөгжингүй хэсгийн тал хувь нь эрсдэлд орно гэдгийг тогтоожээ.

Хятадын академиас нийтэлсэн үнэлгээнд тэд "Шинэ бүс нь байршлын давуу талтай, газрын баялаг нөөцтэй, харин усны нөөцийн хомсдол, гадаргын усны ноцтой бохирдол, үерийн гамшгийн эрсдэл өндөр зэрэг зарим асуудалтай" гэж бичжээ.

Энэ газрыг сонгосон шалтгаануудын нэг нь Хятадын уламжлалт философи, намгархаг газар нь Дэлхийн 2-р дайны үед Японы түрэмгийлэгч хүчний эсрэг партизан маягийн тэмцлийн газар болох үндэсний ач холбогдолтой хэмээдэг.

Гэсэн хэдий ч шинэ хот хөршүүдээсээ хамаагүй илүү хамгаалагдсан байна. Үүнд 200 жилд нэг удаа тохиолддог үерийг тэсвэрлэх дэд бүтэц, мөн онлайн, цахимжилтын шинж чанаруудыг түлхүү багтаажээ.

Бээжингээс илүү ногоон байгууламжтай болох, Байянгдианы намгархаг газрыг нөхөн сэргээхэд дэмжлэг үзүүлэх зорилготой хотын бүтээн байгуулалт нь байгалийн сорилтыг даван туулахын тулд томоохон инженерийн технологи ашигласан Гурван хавцлын далан зэрэг Хятадын бусад амбицтай төслүүдийн нэг юм.

Гэвч 2035 он гэхэд Ши Жиньпин "орчин үеийн хот" болох зорилтыг биелүүлэхээр хөгжихийн хэрээр Шион ань дахь үерийн эрсдэл, магадгүй ойр орчмын бүс нутгийг хамрах эрсдэл нүүрлэж буй.

Мэргэжилтнүүдийн үзэж байгаагаар хүн амын өсөлт, эдийн засгийн хөгжил нэмэгдэж байгаа нь цаг агаарын эрс тэс уур амьсгалыг ойр ойрхон, хүчтэй, урьдчилан таамаглах аргагүй болгодог гэж:ээ.

Өнгөрсөн долоо хоногт Шион ань шинэ бүсийн засгийн газар ажилдаа эргэж орсон талаараа нийтэлжээ. Тус нийтлэлд ард түмний ажил, амьдрал аажмаар сэргэж байна хэмээн нийтэлсэн аж.

Н.АННА

Энэ мэдээнд өгөх таны үнэлгээ

Хуваалцаарай Жиргээрэй