ДЭЛХИЙЭДИЙН ЗАСАГ

ЕХ: Энэтхэг, Бангладешт яаралтай тусламж үзүүлнэ

Европын холбоо хэдэн арван хүний амийг авч одсон “Амфан” хар салхины хор уршигтай тэмцэхэд нь зориулж Энэтхэгт 0.5 сая евро, Бангладешд 1.1 сая еврогийн яаралтай тусламж үзүүлэхээр болжээ. Энэ тухай Европын хямралтай тэмцэх газрын комиссар Янез Ленарчич мэдэгджээ.  

Тэрбээр “Энэтхэг, Бангладешт нөхцөл байдал хүнд байгааг бид ойлгож байна. Өөрийгөө тусгаарлах дэглэм коронавирусийн тархалтыг зогсооход чухал үүрэг гүйцэтгэж буй энэ үед тус улсуудад байгалийн гамшиг тохиолоо. Бид тусламж хэрэгтэй байгаа хүмүүст цаг тухайд нь тусламж үзүүлэхэд бэлэн байна” хэмээн мэдэгдсэн байна.

Энэтхэгийн зүүн нутаг, Бангладешд “Амфан” хүчтэй шуурга дэгдсэний улмаас 80 гаруй  хүн нас баржээ. Шуурганы улмаас цахилгаан тасалдаж, эдийн засагт ихээхэн хохирол учруулсан байна. Эрэг хавийн бүс нутгуудад барилга байшин, гүүр болон бусад байгууламж сүйджээ.

Б.УЧРАЛ

ЭХ СУРВАЛЖ: bbc.com

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
240
Back to top button