ДЭЛХИЙ

Улаанбурхан өвчнөөр нас барсан хүүхдүүд бүгд вакцинд хамрагдаагүй байжээ

Филиппин улсад өнгөрөгч сарын байдлаар 8400 хүн улаан бурхнаар өвчилж, 136 хүн нас баржээ. Харин гуравдугаар сар гарсаар нас барагсдын тоо 261 болж өссөн байна.  Өвчлөгсдийн дийлэнх хувийг бага насны хүүхдүүд эзэлж байгаа бөгөөд, тус улсын эрүүл мэндийн яамны сайд Франциско 3-р Дюк хүүхдүүдээ зориуд вакцинжуулалтад хамруулахгүй байгаа эцэг эхчүүдийг шүүмжилжээ. Олон улсын улаан загалмай нийгэмлэг болон тус улсын эрүүл мэндийн яамны мэдээлснээр нөхцөл байдал энэ хэвээр үргэлжилбэл 2.6 сая хүүхдүүд улаан бурхны халдвар авах эрсдэлтэй байгааг анхаарууллаа.

Хоёрдугаар сарын  сүүлчээр бүх нийтийг хамарсан вакцинжуулалтыг Манилла хот болон, халдвар тархсан байж болзошгүй дөрвөн дүүрэгт эхлүүлж ерөнхийлөгч Родриго Дутерте телевизийн нэвтрүүлгээр ард иргэдээ вакцинжуулалтад хамрагдахыг уриалжээ.

Тэрбээр, “Эргэлзэж тээнэгэлзэх хэрэггүй, та бүхэн хүүхдүүдээ заавал авчирч вакцин хийлгэх ёстой. Энэ нь танай хүүхдүүдийн амийг аврах болно” хэмээн хэлсэн байна. 12 сая гаруй хүн амтай тус улсын Манилла хотод улаанбурхны халдвар тархсан нь энгийн үеэс 1000 хувиар илүү түвшинд хүргээд байгааг эрүүл мэндийн ажилтнууд онцлон мэдээлээд байна.

Нас барсан 261 хүний тал хувь нь 1-4 насны хүүхдүүд байсан бөгөөд тэд бүгдээрээ вакцинд хамрагдаагүй байсныг онцолж байна.

Мөн Энэтхэг улсад улаан бурхны эсрэг вакцинжуулалт орон даяар явагдаж байна. Тус улсын засгийн газар 2020 он хүртэл нэр бүхий халдварт өвчнүүдийн тархалтыг зогсоох зорилт тавиад байгаа бөгөөд үүний хүрээнд улаан бурхны вакцинжуулалтыг бүсчлэн хийж байгаа нь тэр аж. Вакцинжуулалтын дуусах хугацааг гуравдугаар сарын 10 гэж тогтсон боловч, нөхцөл байдлын улмаар хойшлуулахад хүрч болзошгүй байна.

Хүн амын дөнгөж 58 хувь нь вакцинжуулалтад хамрагдсанаар тус улсын Биванди дүүрэг хамгийн муу үзүүлэлттэй дүгнэгджээ. Харин Уласнагар, Мумбай, Нашик, Парбани тэргүүтэй дүүргүүдийн хувьд вакцинжуулалт 80-90 хувьтай явагдаж байгаа аж. Гэсэн хэдий ч найман сартайгаас 15 настай хүүхдүүд дүүрэг бүрт вакцинжуулалтад хамрагдахгүй үлдэж байгаа тухай www.indiatimes.com сайт мэдээлжээ.

М.ТЭНГИС

Холбоотой мэдээ

Нэг сэтгэгдэл

  1. Cialis En La Mujer Levitra Biglietti On Line Achat De Cialis Sur Internet [url=http://orderviapills.com]viagra online prescription[/url] Levitra Von Bayer Flagyl Er For Sale Achat Cialis Avec Ordonnance

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close