ТАНИЛЦ:“Улаанбаатар” кино наадмаас шагнал хүртсэн уран бүтээлчид
“Улаанбаатар” олон улсын кино наадам энэ сарын 19-нд найруулагч С.Бямбын “Хэвтрийн хүн” киногоор нээлтээ хийсэн. 12 дахь жилдээ болж байгаа эл наадамд Канн, Берлин, Торонто, Венецийн кино наадамд шалгарсан Франц, Герман, Иран, Швейцар, Итали, Австрали, Хятад, Тайвань, Япон, Бразил, Монгол зэрэг 11 орны 19 кино бүтээлийг үзэгчдэд толилуулж байгаа юм.
Тус кино наадмын Монгол киноны уралдаант хэсэгт найруулагч Ж.Жамьянсүрэнгийн “Хөхөө”, Б.Отгонзоригийн “Эмэгтэй”, Ж.Сэнгэдоржийн “Гэргий”, Г.Даваазулын “Хэлгүй жим”, О.Бат-Өлзийгийн “Буруу өрөг”, Б.Эрдэнэцэцэгийн “Ээж хадны домог”, Т.Анарын “Сүүн замын сахиул” бүтээлүүд өрсөлдсөнөөс найруулагч Ж.Сэнгэдоржийн “Гэргий”, найруулагч Ж.Жамьянсүрэнгийн “Хөхөө”, найруулагч Б.Отгонзоригийн “Эмэгтэй” уран сайхны кино тус тус шалгарч, Монгол кино хөтөлбөрт сонгогдсон.
Сонгогдсон эл гурван кино өчигдөр үзэгчдийн хүртээл болж, шилдэгүүдээ шалгарууллаа.
- Шилдэг уран сайхны кино: “Хөхөө”
- Шилдэг найруулагч:Ж.Жамьянсүрэн
- Шилдэг зохиол:Гэргий
- Шилдэг продюсер:Эмэгтэй /Women/
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.