Энэ сарын 2-ны өдөр Их Британи улс “Pfizer/BioNTech” хоёрын хамтран бүтээсэн вакцинд яаралтай үед ашиглах зөвшөөрөл олгосон билээ. Одоогийн байдлаар Их Британид тус вакцины анхны тунг 600 мянган хүн тариулсан байгаа юм.
Тэгвэл Их Британи улс “Oxford”-ийн эрдэмтэд бүтээсэн вакциныг баталжээ. Эрүүл мэндийн нарийн бичгийн дарга Мэтт Хэнкок тус вакциныг нэгдүгээр сарын 4-ны өдрөөс эхлэн дархлаажуулалтад ашиглана хэмээн мэдэгдсэн байна.
Их Британи “AstraZeneca” компаниас 100 сая тун худалдаж авах юм. Уг вакцин нь энгийн хөргөгчийн температурт хадгалж болдгоороо “Pfizer/BioNTech” компаниудын вакцинаас давуу талтай юм.
“AstraZeneca” компанийн захирал Паскал Сорит тэдний вакцин илүү хурдан тархдаг коронавирусийн мутацилагдсан хувилбарын эсрэг үр дүнтэй байх ёстой хэмээн мэдэгдсэн юм.
Эх сурвалж: BBC
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.