ДЭЛХИЙ

Радиогоор Конгрессын барилгыг онгоцоор мөргөн өшөө авна гэж сүрдүүлэв

Өнгөрсөн жилийн нэгдүгээр сард АНУ-ын арми Иран улсын генерал Касем Солейманийг хороосон билээ. Тэгвэл Жо Байдений ялалтыг Конгресс батлах өдөр Солейманигийн өшөөг авна гэсэн сүрдүүлэг яриа Нью-Йорк дахь нислэгийн хөдөлгөөн хянагчийн радиогоор сонсогдсон байна. “Бид лхагва гарагийн өдөр Конгрессын барилгыг онгоцоор мөргөнө. Солейманигийн өшөөг авах болно” гэж дижитал хоолойгоор уншиж байгаа нь сонсогдсон аж. Уг асуудлаар Пентагон болон бусад агентлагууд хуралдаж Жо Байдений ялалтыг батлах өдөр Конгрессын барилгад халдах сүрдүүлэг хэмээн дүгнэсэн байна.

Мөн Ираны эрх баригчид Солейманигийн үхэлтэй холбоотой АНУ-ын Ерөнхийлөгч Дональд Трамп болон өөр 47 албан тушаалтныг баривчлуулах хүсэлт Интерполд хүргүүлсэн байна.

Иранчууд Солейманигийн үхэлд өс санасан бөгөөд тус улсын томоохон албан тушаалтан Эбрахим Райси түүний үхэлтэй холбоотой бүх хүн энэ дэлхий дээр аюулгүй амьдрахгүй хэмээсэн юм.

Өмнө нь зургаадугаар сард Техран хотоос Трамп болон Вашингтоны хэд хэдэн албан тушаалтнуудыг баривчлах хүсэлт Интерполд тавьж байсан аж. Интерпол уг хүсэлтийг улс төр, шашин, арьс өнгөөр ялгаварлах, цэргийн хэрэгт хөндлөнгөөс оролцдоггүй гэсэн шалтгаанаар хүлээж аваагүй юм. Мөн адил шалтгаанаар энэ удаагийн хүсэлтийг хүлээж авахгүй байх магадлал өндөр.

Эх сурвалж: Daily Mail

Б.БУЯНДОРЖ

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button