ДЭЛХИЙ

Хятадад цэцэрлэгийн багш сурагчдаа хордуулсан хэрэг гарчээ

БНХАУ-ын Хенан мужид оршдог нэгэн цэцэрлэгийн 23 хүүхэд өглөөний цайндаа хордсон хэрэг гарчээ. Уг хэргийг үйлдсэн байж болзошгүй хэмээн тус ангийн багшийг цагдаа нар баривчлаад байгаа аж.

ЖиаоЗуо хот дахь тус цэцэрлэгийн сурагчид өглөөний цайгаа уусны дараа  эмнэлэгт хүргэгдсэн тухай нутгийн хэвлэлүүд мэдээлж байна. Анхан шатны шинжилгээ явагдсаны дараа хүүхдүүдийн өглөөний унданд их хэмжээний натрийн нитрит агуулагдаж байсныг тогтоосон. Цагдаа нарын хэлснээр сурагчдыг ийнхүү хордуулах болсон шалтгаан одоогоор тодорхой биш байгаа юм байна.

Map locator

Гэсэн хэдий ч, мужийн хэвлэлүүд тус ангийн багш ажлын хамтрагчаасаа өшөө авахын тулд ийм хэрэг үйлдсэн гэх мэдээллийг иргэдэд өгч байгаа аж.

Beijing News агентлагийн тодруулснаар хүүхдүүд өглөөний цайгаа уумагцаа огиж бөөлжин, муужирч унацгаасан байна. Хордсон хүүхдүүдийн нэгний эцэг эх, яаралтай дуудлага авч цэцэрлэг дээр ирэхэд эмч нар хүүхдэд нь хиймэл амьсгал хийж байхтай таарсан тухайгаа ярьжээ. Тус цэцэрлэгийн үйл ажиллагааг түр зогсоогоод байгаа юм байна.

Натрийн нитрит нь махан бүтээгдэхүүн боловсруулахад өргөн хэрэглэгддэг бодис хэдий ч, байх ёстой хэмжээнээс хэтэрсэн тохиолдолд үхлийн аюулд ч хүргэж болох эрсэлтэй юм.

М.ТЭНГИС

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close