ЭДИЙН ЗАСАГ
Брент газрын тосны үнэ 55.2 ам.долларт хүрчээ
Нэгдүгээр сарын 19-ний 17.10 цагийн байдлаар Брент газрын тосны үнэ баррель тутамдаа 55.15 ам.доллар байна. Одоогоор энэ өдөр цохисон хамгийн өндөр ханш нь 55.2 ам.доллар/баррель байгаа аж.
Газрын тосны үнийн өсөлт сүүлийн долоо хоног тогтворжоод байна. Тодруулбал нэгдүгээр сарын 12-ны байдлаар 57.18 ам.доллар байсан энэ үнэ 1 хүрэхгүй хувиар өсөж, буурсаар өнөөдрийг хүрчээ.
Харин оны өмнө, арванхоёрдугаар сарын 22-ны байдлаар 50.16 ам.доллар байсан юм. Иймд газрын тосны үнийг энэ нэг, хоёрдугаар сард тогтмол өснө, дагаад дотоодын зах зээл дээр шатахууны үнэ нэмэгдэнэ гэсэн таамаглалыг судлаачид хийгээд байгаа юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.