Өнөөдөр /2021.01.23/ Нийслэлийн ЗДТГ-ын Хэвлэл мэдээлэлтэй харилцах албаны дарга Б.Батманлай мэдээлэл хийх үеэрээ зочид буудлуудын үйл ажиллагааг нээж буй талаар ярьсан.
Нийслэлийн Засаг дарга Д.Сумъяабазарын захирамжаар өнөөдрөөс эхлэн үсчин, гоо сайхан, хумс засал, бүх төрлийн худалдааны байгууллагын үйлчилгээг эхлүүлж буй. Эдгээрийн хамт зочид буудлуудыг нээсэн хэмээн мэдээлсэн нь энэ.
Гэхдээ жижиг дэн буудлууд ажиллахгүй. Тодруулбал, дэн буудал, амралт, цанын бааз, нийтийн халуун усны газар тэргүүтэй 12 чиглэлийн үйл ажиллагааг нээхгүй хэвээр байх шийдвэр гараад буй.
Эдгээр байгууллагуудын жагсаалттай энд дарж танилцана уу.
Г.САНСАРМАА
