Монгол эрдэмтдийн бүтээсэн шүлснээс халдвар илрүүлэх оношлуурт өчигдөр ЭМЯ зөвшөөрөл өгсөн. Харин өнөөдөр АШУҮИС дээр тус оношлуурыг танилцуулсны дараа БШУ-ны сайд Л.Энх-амгалан болон Эрүүл мэндийн сайд С.Энхболд нар шинжилгээ өглөө. Шинжилгээний хариу 90 минутын дараа гарах юм.
Шинжилгээ өгөхөд гурван энгийн алхмыг хийхэд хангалтай гэнэ. Тодруулбал,
- Шүлсээ сорьц цуглуулах саванд хийх
- Шүлстэй савыг сайтар таглах
- Шүлстэй савыг шинжилгээнд өгөх ёстой ажээ.
Танилцуулга мэдээллийг АШУҮИС-ийн багш, доктор Г. Чимэдлхамсүрэн бидэнд өглөө.
Тэрбээр “Хоногт 3000 хүнээс шинжилгээ авч, хариу гаргах хүчин чадалтай. Одоогийн байдлаар 4000 оношлуурын нөөц бий. Иргэд цаг авалгүйгээр ирээд шинжилгээ өгч болно. Ямар ч үнэ төлбөргүйгээр шинжилгээ авна. Нэг хүн шинжилгээ өгөхөд 3-5 минут болно. Харилцан адилгүй. Шинжилгээ өгөхөөс 30 минутын өмнө амаа зайлаагүй, шингэн зүйл уугаагүй, хоол идээгүй, тамхи татаагүй байх ёстой” гэсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Эерэг гаргахгүй гээд амаа �######�чихна шүү дээ. Найдвар хир байхав яая.