Монгол орны нэн ховор амьтдын нэг нь Монгол бөхөн. Монгол бөхөн (Saiga tatarica mongolica) дэлхийн байгаль, байгалийн нөөцийг хамгаалах олон улсын холбооноос (IUCN, 2002) гаргасан улаан номд эмзэг гэсэн жагсаалтад, Зэрлэг амьтан, ургамлын ховордсон төрөл зүйлийг олон улсын хэмжээнд худалдаалах тухай олон улсын конвенцийн (Вашингтоны, CITES 1975, 1994) II хавсралт буюу хатуу чанд хяналт дор худалдаалах амьтдын жагсаалтад, дэлхийн ховордсон 100 амьтны жагсаалтад бүртгэгдсэн ховор амьтан.
Монгол Улсын хэмжээнд 1930 оноос эхлэн хуулиар агнахыг хориглон дархан цаазтай амьтны тоонд оруулсан, “Улаан ном”-ын 1987, 1997 оны хэвлэл, 1995 оны шинэчлэн найруулсан “Амьтны аймгийн тухай хууль”-аар нэн ховор ангилалд оруулсан юм.
Зуд, хулгайн ан, өвчин зэрэг олон шалтгааны улмаас 2001 онд дэлхий дээр ердөө 750-хан монгол бөхөн үлдсэн байв.
Сүүлийн 20 жилийн хугацаанд Монгол бөхөнгийн тоо гурван ч удаа олноороо устсан удаатай. 2001 онд зудын улмаас л гэхэд нийт бөхөнгийн 85 хувь нь үрэгдсэн юм.
Уншигч та бүхэнд баяртай мэдээ дуулгахад, монгол бөхөнгийн тоо 2018 оноос хоёр дахин өслөө. Ингэснээр монгол бөхөн устах аюулаас аврагдсаныг мэргэжилтнүүд онцолж байна. 2018-2021 оны хугацаанд монгол бөхөнг хууль бусаар агнасан тохиолдол бүртгэгдээгүй нь тоо толгойн өсөлтөд их нөлөөлжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хууль бус агн�##�тыг таслан зогсоосны ач шүү дээ, 90 ээд онд бөхөнгийн эд эрхтэн авна гэсэн зар маш их байдаг байсан , энэ л их хорогдуулсан байх
М�##�чид л �##�ж устгахгүй бол тоо толгойн тогвортой байж болно м�##�чид ч шун�##�ын нүдээр л хяддаг байх
яамай даа. хамга�##�ах аргаа одооноос бодож байхгүй бол