Монгол бүтээгдэхүүнүүд “Amazon” сүлжээгээр худалдаалагдах боломжтой болно
Дэлхийн тэргүүлэх онлайн худалдааны сүлжээ компани болох “Amazon”-той Харилцаа холбоо, мэдээлэл технологийн газар хамтран ажиллаж эхэлжээ. Ингэснээр дотоодод үйлдвэрлэсэн бараа бүтээгдэхүүнийг тус онлайн сүлжээнд байршуулж, дэлхийн зах зээл дээр худалдах боломжтой болох юм байна.
Энэ тухай Харилцаа холбоо, мэдээлэл технологийн газар дараах мэдээллийг бэлтгэжээ:
Монголын бизнес эрхлэгч, үйлдвэрлэгчдэд дуулгах таатай мэдээ байна. Тун удахгүй Амазон хэмээх дэлхийн онлайн худалдааны хамгийн том платформ зах зээлд бараа, бүтээгдэхүүнээ Монголоос албан ёсоор, худалдаалах боломжтой болох гэж байна. Харилцаа холбоо, мэдээллийн технологийн газар Амазон компанитай энэ чиглэлд хамтран ажиллаж эхлээд байна.
Өөрөөр хэлбэл, үндэсний үйлдвэрлэгчид гурав сая хүн амтай зах зээлд биш тэрбум хүнтэй зах зээл рүү онлайнаар бараа, бүтээгдэхүүнээ гаргах боломжтой болох юм.
Амазон компани нь дэлхийн 14 оронд үйл ажиллагаагаа явуулдаг бөгөөд одоогоор 103 улс орнууд бараа, бүтээгдэхүүнээ тус платформ дээр борлуулж байна.
Г.САНСАРМАА
