БОЛОВСРОЛНИЙГЭМ

ТОДРУУЛГА: ШУТИС-ийн төлбөр 15 хувиар нэмэгдсэн бол МУИС төлбөрөө нэмэхгүй гэв

Төрийн өмчийн их дээд сургуулиуд болох МУИС, ШУТИС, МУБИС, АШУҮИС, СИУС, БХИС, ДХИС, ХААИС хичээлийн шинэ жил эхлэхээс 14 хоногийн өмнө төлбөрөө тодорхойгүй шалтгаанаар нэмдэг нь нууц биш.

Сонгосон мэргэжил болон салбар сургуулиас хамаарч, нэг кредитийн төлбөр харилцан адилгүй. Зарим сургуулиуд курс ахих тутам төлбөр буурна гэдэг боловч жил ирэх бүр их, бага хэмжээгээр төлбөрөө нэмсээр байна.

Иймд бид Төрийн өмчийн их, дээд сургуулиудын Сургалтын албатай холбогдон 2019-2020 оны хичээлийн жилд сургалтын төлбөр нэмэгдсэн эсэхийг тодрууллаа.

ШУТИС НЬ СУРГАЛТЫН ТӨЛБӨРӨӨ 10-15 ХУВИАР НЭМЖЭЭ

Инженер, технологийн сургуулийн нэг кредит 90,800 төгрөг

Нийгмийн ухааны сургуулийн нэг кредитийн төлбөр 88,800 төгрөг

Хэрэглээний шинжлэх ухааны сургуулийн нэг кредитийн төлбөр 79,300 төгрөг болж өсчээ.

Энэ нь 2018-2019 оны хичээлийн жилийн сургалтын төлбөртэй харьцуулахад нэгдүгээр курсын төлбөр 15 хувиар бусад курсын төлбөр 10 хувиар өссөн үзүүлэлттэй байна. Өмнөх жилийн баклаврын хөтөлбөрийн дундаж дүн 73,620 төгрөг байсан бол энэ хичээлийн жилд 82,042 төгрөгт хүрчээ.

МУИС-ИЙН ТӨЛБӨРӨӨ НЭМЭХГҮЙ ГЭВ

ШУС-ийн баклаврын түвшний ерөнхий суурийн төлбөр нэг кредит нь 98,600 төгрөг. Баклаврын түвшний мэргэжлийн хичээлийн нэг кредит нь 100,700 төгрөг.

ХШУИС-ийн баклаврын түвшний ерөнхий суурийн төлбөр нэг кредит нь 98,600 төгрөг. Баклаврын түвшний мэргэжлийн хичээлийн нэг кредит нь 103,500 төгрөг.

БС-ийн баклаврын түвшний ерөнхий суурийн төлбөр нэг кредит нь 96,800 төгрөг. Баклаврын түвшний мэргэжлийн хичээлийн нэг кредит нь 120,800 төгрөг.

ХЗС-ийн баклаврын түвшний ерөнхий суурийн төлбөр нэг кредит нь 96,800 төгрөг. Баклаврын түвшний мэргэжлийн хичээлийн нэг кредит нь 115,000 төгрөг.

ОУХНУС-ийн баклаврын түвшний ерөнхий суурь болон мэргэжлийн хичээлийн нэг кредит нь 60,800 төгрөг байна.  2018-2019 оны хичээлийн жилд МУИС-ийн нэг кредит 11900-19200 төгрөгөөр нэмэгдсэн нь тухайн оюутан жилд 30-40 кредит судалдаг бол 300-400 мянган төгрөгөөр нэмэгдэж байв. Энэ жилийн тухайд МУИС төлбөрөө нэмэхгүй гэсэн мэдээллийг сургалтын албанаас өглөө.  

БУСАД…

МУБИС 2019-2020 оны хичээлийн жилд элсэн суралцагчдын нэг кредитийн үнэлгээ 78-94 мянган төгрөг байгаа бол энэ хичээлийн жилээс өмнө элсэн суралцагчдын төлбөр нэг кредит нь 71-94 мянган төгрөг байгаа аж.

АШУҮИС-ийн баклаврын хөтөлбөрийн сургалтын төлбөр нэг кредит нь 99-108,9 мянган төгрөг болж өссөн байна.

Харин ХААИС-ийн баклаврын түвшний нэг кредитийн төлбөр 65 мянган төгрөг бөгөөд нэмэгдсэн эсэх нь тодорхойгүй байна.

БХИС, ДХИС, СУИС-ийн сургалтын албатай холбогдож төлбөрийн талаар асуухад 2018-2019 оны хичээлийн жилийнхээс өссөн зүйл байхгүй гэсэн хариу өгсөн юм.

Д.ЦЭРЭНЧИМЭГ

Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close