НИЙГЭМЭДИЙН ЗАСАГ
Монголбанк: Инфляц 6.2 хувь гарсан, бодлогын хүүг хэвээр хадгаллаа
Өнөөдөр /2021.06.23/ Монголбанкны дэргэдэх Мөнгөний бодлогын хороо хуралдсан. Хуралдаанаар бодлогын хүүг 6 хувь дээр хэвээр хадгалах шийдвэр гарсан байна.
Энэ талаар Монголбанкны Ерөнхийлөгч Б.Лхагвасүрэн “Мөнгөний бодлогын хүүг нэмсэнгүй. Учир нь 6 хувь дээр барьсан бодлогын үр дүн хараахан гарч эхлээгүй байна. Бодлогын хүүгийн өөрчлөлтийн үр дүн илэртэл удаан хугацаа шаарддаг.
Инфляц Нийслэлд 6.7 хувь, улсын хэмжээнд 6.2 хувь гарлаа. Энэ зорилтот түвшин дотроо багтаж байгаа ч ковидын хугацаан дахь үзүүлэлтүүдтэй харьцуулахад өссөн дүн. Иймд бодлогын хүүг хэвээр хадгалсан. Инфляц өсөхөд нийлүүлэлтийн шинжтэй шалтгаан нөлөөлсөн гэж үзэж байна” гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
энэ одоо инцляц !гэдэгээ ойлгодог л юм бх даа