"Допинг хэрэглээгүй” гэдгээ илэрхийлсэн 14 бөхийн төлөөлөл мэдэгдэл хийнэ

Наймдугаар сарын 12-нд Үндэсний бөхийн салбар хорооноос баяр наадмаар шалгарч үлдсэн 16 бөхийн допингийн шинжилгээний асуудлаар сэтгүүлчдэд мэдээлэл хийж, хоёр бөхөөс сэргээшийн төрлийн бодис илэрснийг зарласан. Тэдний нэг нь дөрвөн ч төрлийн сэргээш хэрэглэсэн нь тогтоогдоод буй.

Дүрэм ёсоор А сорьцын хариутай санал нийлэхгүй байгаа бөхчүүд В сорьцын хариуг хүлээх эрхтэй. Мөн уг саналаа 10 хоногийн дотор хүргүүлэх учиртай. Харин өнөөдөр /2019.08.19/ бөхчүүдийн В сорьц харах хүсэлт хүргүүлэх хугацаа дуусгавар болж байна.

Допингийн асуудал дэгдсэний дараа цахим сүлжээнд No Doping хөдөлгөөн өрнөж, шинжилгээнд орсон 16 бөхийн 14 нь өөрсдийн нүүр хуудсаар дамжуулан мэдэгдэл хийгээд амжсан. Өчигдөр аварга Э.Оюунболд, "Миний шээсийг сольсон байна. Би допинг хэрэглээгүй” гэх мэдэгдлийг мөн цацлаа.

Бөхийн салбар хорооноос өнөөдөр мэдээлэл хийж, сэргээш илэрсэн бөхчүүд В сорьцын хариуг харах хүсэлтээ өгсөн эсэхийг мэдэгдсэний дараа мөнөөх 14 бөхийн төлөөлөл хэвлэлийн бага хурал зарлаж, олон нийтэд мэдээлэл хийнэ гэх эх сурвалжийн мэдээлэл байгаа юм.

Х.ЭРХЭС

Энэ мэдээнд өгөх таны үнэлгээ

Хуваалцаарай Жиргээрэй