АНУ-ын Калифорни: гал түймрийн улмаас 8 хүн ор сураггүй алга болжээ

АНУ-ын баруун хэсгийн Калифорни мужид гал түймэр гарч, найман хүн сураггүй алга болсон мэдээ байна. Аврагчид гал түймрийн улмаас хувь заяа нь тодорхойгүй байгаа найман хүний эрэлд гарчээ. Энэ талаар бямба гараг /2021.08.07/-т Плумас мужийн Шерифийн албанаас гаргасан мэдэгдэлд дурьджээ.

Мэдэгдэлд "Түймрээр найман хүн сураггүй алга болсон тухай мэдээлэл бидэнд ирсэн. Тэдний тав нь “Дикси” хэмээх түймрийн улмаас бүхэлдээ газрын хөрснөөс арчигдсан гэж хэлж болохоор Гринвилл хотын оршин суугч юм байна. Калифорнийн Ойн Аж Ахуй, Гал Түймэртэй Тэмцэх Хэлтсийн мэдээлснээр “Дикси” түймэр нь бямба гараг/2021.08.07/-ийн байдлаар нийт 180,000 га талбайг түймэрдсэн аж.

Калифорнид “Дикси” түймрээс гадна өөр 10 том түймэр бүртгэгджээ. Орон нутгийн эрх баригчдын мэдээлснээр, 8500 орчим гал сөнөөгч түймрийг  унтраахаар ажиллаж байгаа аж. 16 мянга гаруй оршин суугчдыг аюулгүй газарт нүүлгэн шилжүүлсэн ба нас барсан хүмүүс байгаа эсэх талаар тодорхой мэдээлэл өгөөгүй байна.

Айдахо мужид байрладаг Үндэсний хэлтэс хоорондын гал түймрийн төвийн мэдээлснээр одоогоор тус улсын баруун хэсэгт 881,000 гаруй га талбай шатаж байгаа аж. Америкийн 14 мужид 107 голомтот түймэр гараад байна. Тэднээс хамгийн хэцүү нөхцөл байдал Калифорни, Орегон, Монтана, Айдахо мужуудад төвлөрч байна. 2021 он гарснаас хойш тус улсын баруун хэсэгт гарсан түймрийн нийт талбай 1,4 сая га-гаас давжээ.

(Эх сурвалж: Tass)

Энэ мэдээнд өгөх таны үнэлгээ

Хуваалцаарай Жиргээрэй