АНУ, Өмнөд Солонгос: БНАСАУ-ын цөмийн зэвсгийн асуудлаар хэлэлцэв

АНУ-ын БНАСАУ-ын тусгай төлөөлөгч Сон Ким даваа гараг /2021.08.23/-т Сөүл хотноо Солонгосын хойг дахь энх тайван, аюулгүй байдлын асуудлаарх тусгай төлөөлөгч Но Гю Доктой зөвлөлджээ. Энэ талаар “YTN” телевизийн суваг мэдээлэв.

Түүний хэлснээр, талууд Солонгосын хойгийг цөмийн зэвсгээс ангижруулж, бүс нутагт үүссэн хурцадмал байдлыг бууруулах асуудлаар яриа хэлэлцээгээ үргэлжлүүлэх талаар хамтран ажиллах талаар ярилцжээ.

Сон Ким уулзалтын өмнө хэлэхдээ “Миний Өмнөд Солонгост хийсэн айлчлал нь Умард Солонгостой холбоотой бүхий л асуудлаар Сөүлтэй нягт хамтын ажиллагаагаа үргэлжлүүлэх гэсэн Вашингтоны шийдэмгий байдлын баталгаа болж байна” гэлээ.

Гю Док үүний хариуд талууд цөмийн зэвсгээс бүрэн ангижрах, Солонгосын хойгт тогтвортой энх тайван байдал тогтоох хүчин чармайлтаа ахиулах “уян хатан, бүтээлч хандлага” боловсруулж чадна гэдэгт найдаж байгаагаа илэрхийлэв.

Уулзалтын дараа Сон Ким бямба гариг /2021.08.21/-т Сөүлд ОХУ-ын Гадаад хэргийн дэд сайд Игорь Моргуловтай уулзаж ярилцав. Америкийн тусгай төлөөлөгч Москваг Пхеньянтай яриа хэлэлцээгээ сэргээхэд туслахыг уриалж, Умард Солонгосын эсрэг хориг арга хэмжээний сэдвийг хөндөх болно гэж найдаж байна гэлээ.

(Эх сурвалж: tass)

Энэ мэдээнд өгөх таны үнэлгээ

Хуваалцаарай Жиргээрэй