ОХУ-ын Гадаад Хэргийн сайд Сергей Лавров НҮБ-ын Ерөнхий Ассамблейн чуулга уулзалтад оролцох үеэрээ НАТО-гийн Ерөнхий Нарийн Бичгийн Дарга Йенс Столтенбергтэй уулзаж ярилцсан байна.
“Азаа туршаад хэрэггүй. Орос улс НАТО-д элсэхгүй” хэмээн Сергей Лавров гэрэл зураг авахуулах үеэрээ сэтгүүлчдэд маш товч бөгөөд тодорхой мэдэгдсэн байна.
Ерөнхий Ассемблейн чуулганы индэр Сергей Лавровын хэлсэн үгийг есдүгээр сарын 25-нд нийтлэхээр төлөвлөсөн байна.
ОХУ болон НАТО-гийн харилцаа урьдын адил хурцадмал хэвээр байсан ч 2014 онд Украйнд өрнөсөн үйл явдлын дараагаар улам хурцадсан билээ. НАТО-гийн холбоо Москватай практик хамтын ажиллагаагаа зогсоохоо мэдэгдэж, яриа хэлэлцээ нь зөвхөн улс төр, дипломат түвшинд явагдана гэдгийг сануулсан. Нөгөөтэйгүүр, ОХУ-ын цэргийн номлолд НАТО-гийн өргөжилт нь гадаад аюулын нэг хэмээн тэмдэглэсэн байдаг юм.
Сергей Лавров, Йенс Столтенберг нарын уулзалт цааш хаалттай хаалганы цаана үргэлжилсэн байна.
(Эх сурвалж: Ria.ru)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ха ха та нарыг нато угаасаа элсүүлэхгүй ээ мөрөөдчихсөн хулмас вэ