Сүхбаатар аймгийн Эрдэнэцагаан, Дарьганга, Баяндэлгэр сумдад Ерөнхийлөгч У.Хүрэлсүхийн санаачилгаар “Баярлалаа” нэртэй урлагийн тоглолт болжээ. Тоглолтод МУСТА Э.Төрмандах, Б.Болд, Х.Мөнгөнцэцэг нарын уран бүтээлчид оролцсон байна.
Сонирхолтой нь, Сүхбаатар аймгийн УОК-ын Шуурхай штаб энэ талаар Zarig.mn сайтад өгсөн тодруулгадаа “Бидэнд тоглолт болох тухай мэдэгдээгүй. Уг нь Шуурхай штабт мэдэгдэж байж, зохион байгуулах эсэхийг шийдэх байсан” гэсэн байр суурь илэрхийлжээ.
Тоглолт Эрдэнэцагаан суманд энэ сарын 8-нд, Дарьганга суманд 10-нд, Баяндэлгэр суманд өнөөдөр буюу 13-нд зохион байгуулагджээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.