Өнөөдөр буюу арваннэгдүгээр сарын 5-нд Ардчилсан нам “Онц Их хурал”-аа зарлан хуралдуулж байна.
“Онц Их Хурал”-даа оролцохоор орон нутгаас 1318 төлөөлөгч Улаанбаатар хотод ирсэн байна. Тэдний 1258 нь хуралд оролцож буй бөгөөд ирц 90 хувьтай байгаа аж.
Тус намаас бэлтгэсэн албан мэдээлэлд: “Ардчилсан намын түүх өөрөө Монголын ардчилал, эрх чөлөөний түүх билээ. Монголын улс төрийн ууган хүчний нэг болох Ардчилсан намд сүүлийн нэг жилийн хугацаанд үүсээд буй нөхцөл байдал, үл ойлголцол, хагарал бутралыг эцэслэн шийдэхээр намын анхан шатны нэгж, үүрүүдээс эхлээд намын дээд шатны төлөөлллийн байгууллагын 1318 төлөөлөгчид намынхаа эв нэгдлийг хангаж, үүссэн асуудлаа эцэслэн шийдэж цэг тавихаар болоод байна” гэж дурджээ.
Г.САНСАРМАА
