УИХ-ын гишүүн Б.Бат-Эрдэнэ ойролцоо нэртэй гурван ТББ-аар мөнгө угаадаг уу
Улсын бүртгэлийн нээлттэй мэдээллийн сангаас шүүж үзвэл, 2020-2024 оны УИХ-ын гишүүд нийт 205 төрийн бус байгууллагыг тэргүүлж, эсвэл ажиллаж байна. Энэ нь энгийн тооцооллоор бол нэг УИХ-ын гишүүний цаана 2.6 төрийн бус байгууллагын эрх ашиг байна гэсэн үг.
Гэтэл зарим төрийн бус байгууллага төсвийн хөрөнгөөр санхүүждэг. Төрийн сангаас санхүүжих төсөл, хөтөлбөрүүдэд ч шалгарч, ажил гүйцэтгэж болдог. Нөгөө талаар УИХ-ын гишүүд өөрсдөө хууль тогтоож, улсын төсвийг баталдаг тул энэ нь ашиг сонирхлын зөрчил болох өндөр үндэслэлтэй билээ.
Манай сайт үүний өмнө УИХ-ын гишүүд ба тэдний ТББ-ын эзэмшлийг инфографикаар дүрсэлж, үзүүлсэн.
Тэгвэл энэ удаад УИХ-ын гишүүн Б.Бат-Эрдэнийн ойролцоо нэртэй гурван ТББ эзэмшдэг талаар сонирхуулж байна.
УИХ-ын гишүүн, Монгол Улсын Дархан аварга Б.Бат-Эрдэнэ 2014 оны аравдугаар сард ойролцоо нэртэй гурван төрийн бус байгууллага байгуулжээ. Өдгөө тэр тус ТББ-уудын Удирдах зөвлөлийн даргаар ажилладаг.
Тодруулбал:
- “Монголын эрийн гурван наадмын холбоо” НҮТББ, 2014.10.20-нд байгуулагдсан
- “Монголын эрийн гурван наадмын хөгжлийн төв” НҮТББ, 2014.10.20-нд байгуулагдсан
- “Эрийн гурван наадмын холбоо” НҮТББ, 2014.10.15-нд тус тус байгуулагджээ.
Логикийн хувьд, дээрх ТББ-уудын нэг нь л байхад зорьсон үйл ажиллагаагаа явуулчих боломжтой. Үйл ажиллагааны чиглэл нь ч тодорхой утгууд дээр давхцаж байгааг доорх зургуудаас харж байна. Түүнчлэн тав хоногийн зайтай гурван ижил зорилготой ТББ байгуулсан нь мөнгө угаах зорилготой юу гэсэн хардлага төрүүлж байгаа юм.
УИХ-ын гишүүн Б.Бат-Эрдэнэ мөн:
- “Монголын спорт бүхний төлөө холбоо” НҮТББ
- “Нийслэлийн ерөнхий боловсролын аврага ахлах сургууль” НҮТББ-уудыг эзэмшдэг.
Г.САНСАРМАА
ТАНИЛЦ: УИХ-ын 59 гишүүн 205 ТББ-аар дамжуулан “мөнгө угаадаг” контентыг энд дарж уншина уу.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Бат-Эрдэнэ тэгж мөнгө угаах юм хийхгүй ээ.
Ижил нэрүүдийг авахгүй бол дараа нь төөрөлдүүлэх МҮИС мэт болдог. Сэтгүүлчид гэж бас чиг зүг �##�га хэдэн хүүхэн байх юмаа