“БИД МЭДЭЭГҮЙ”: Төсвөө ч, өргөн барьсан хуулийн төслөө ч уншдаггүй гишүүд
2022 оны төсөвт 32 тэрбум төгрөгөөр “Богд Зонхова” цогцолбор барих төсөл сууж, хэд хэдэн удаагийн хэлэлцүүлгээр батлагдсан хойно УИХ-ын гишүүд “Мэдээгүй” гэж ам алдав.
Тодруулбал, сошиал орчинд олны анхаарал татах сэдэв болсны дараа тус цогцолбор баригдах Чингэлтэй дүүргээс сонгогдсон УИХ-ын гишүүн Ж.Сүхбаатар, М.Оюунчимэг нар “Мэдээгүй” гэж гүрийв. Ж.Сүхбаатарын хувьд “Төсвийн мөнгийг ийм зүйлд зарцуулах нь буруу” гэж жиргэсэн бол М.Оюунчимэг “Би Сүхээ гишүүний адилаар мэдээлэлгүй байна” хэмээн мэлзсэн.
Үнэхээр “Богд Зонхова” цогцолборт ийм байр суурь илэрхийлэх байсан бол тэд төсвийн төслийг олон удаа хэлэлцэж байхад эсэргүүцэхгүй яасан юм бэ гэдэг өнцөг үүнээс урган гарна.
Үүний өмнө Хөрөнгө оруулалтын тухай хуульд нэмэлт өөрчлөлт оруулах хуулийн төслийг хэлэлцсэний дараа өргөн барьсан гишүүд нь өөрсдөө “Мэдээгүй” гэж бултаж байв. Тодруулбал, тус хуулийн төслийг өргөн барьсан дөрвөн гишүүний хоёр нь болох Д.Өнөрболор, П.Анужин нар “Ийм зүйл заалт нэмснээ бидэнд мэдэгдээгүй. Мэдээгүй байхад өргөн барьсанд нь харамсаж байна” хэмээн гомдоллож байлаа.
Яаж ч бодсон өөрсдийнх нь автораар өргөн баригдаж буй хуулийн агуулга, зүйл заалтыг мэдээгүй, уншаагүй, зарчмын зөрүүтэй байр суурьтай байна гэдэг тун хариуцлагагүй дүр зураг билээ.
Эдгээрээс харахад өргөн барьж буй хуулийн төслөө ч уншдаггүй, тэр бүү хэл улсын төсөвтөө ч хяналт тавьдаггүй УИХ-ын гишүүдтэй болсон нь ойлгогдож байна. Ард түмний элч төлөөлөгчийн ажлыг ийм түвшний хариуцлагатайгаар хашиж байна, тэд.
М.ТЭНГИС
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хуулийг төсвийн хуулийг гишүүд биш Засгийн газар өргөн барьдаг шүү. Өөрөө өргөн барьсан бол хэн ч байсан уншилгүй дээ.
Харин тэгээд өргөн барьсан хуулийн төслөө уншаагүй жишээг ч дурдсан байгаа биз дээ. Төсвөөс гадна өөр жишээ ч дурдсан байна. Гүйцэд унш.
4 terbum maan' suujuu l gej kharsan baikhdaa. Teriigee avch bgaa um chin busdiig n' yg duugyinzuvshuurukh yostoi l doo ugaasaa. Ingej l khuvaaj idetsgeekh um daa.
ЭД НАР ДАНДАА ИНГЭЖ ХУДАЛ Ш А А Д А Г