Завхан аймгийн Улиастай хотын эмнэлэгт амаржсан эхчүүд 14 хэмтэй өрөөнд зутруухан суун, хөнжлөөрөө бүтээж байгаад хүүхдээ хөхүүлж байгаа нь энэ. Төрсний дараа гам барих, даарахгүй байх хэчнээн чухал билээ. Үүний сацуу дөнгөж төрсөн нярай хэчнээн эмзэг билээ. Гэтэл Монголын эрүүл мэндийн салбарын, Завхан аймгийн эмнэлгийн байгаа бодит байдал, нүүр царай ийм байна. Улиастай хотын эмнэлгийн халаалтын зууханд доголдол гарсан тул халаалт нь муудсан гэж албаныхан тайлбарлаж буй.
Завханы эмнэлэгт амаржсан эхчүүд ингэж даарч, зутарч суухад тойргоос нь сонгогдсон УИХ-ын Ц.Цэрэнпунцаг 32 тэрбум төгрөгөөр “Богд Зонхов”-ын хөшөөг бариулахаар хөөцөлдөж яваа нь хачирхалтай. Коронавирусийн халдвартай, цар тахалтай байгаа өнөө цагт хаана хаанаа бүсээ чангалж буй. Ийм цаг үед улсын төсөвт 5.5 тэрбум төгрөгөөр анх сууж, 2021 онд 32.5 тэрбум болж өсөн тусгагдаж, өдгөө барилгынх нь ажил аль хэдийнэ эхлэн, сүндэрлэж буй “Богд Зонхов”-ын хөшөөг Ц.Цэрэнпунцаг нэр бүхий хоёр гишүүний хамт бариулахаар хуулийн төсөл санаачлан, дээгүүр доогуур гүйж яваа нь ёстой нөгөө С.Жавхлангийн хэлснээр тавилан юм даа.
“Богд Зонхов”-ын хөшөөний асуудал олны анхаарлыг татаж, эсэргүүцэлтэй нүүр тулангуут бүгд л “Мэдэхгүй” гэдэг үгээр арьсаа хамгаалж, бусдад бухаж буй. Энэ хөшөөг бариулах хуулийн төслийг санаачилсан гурван гишүүний нэг нь Ц.Цэрэнпунцаг, нөгөө хоёр нь Анандбазар, Ц.Адьшаа. Гэтэл сошиалаар, хэвлэлээр Анандбазар, Ш.Адьшаа хоёрыг илүү “балбаж”, Ц.Цэрэнпунцаг эвтэйхэн сугарч үлдсэн. Бүр энэ асуудлаар хэвлэлд тайлбар өгөхөөс илт дургүйцэн, ундууцаж буй.
Цар тахалтай байгаа өнөө цагт хүн чухал уу, хөшөө чухал үү. Иргэдийн амь нас, эрүүл мэнд чухлаас чухал байлтай. Гэтэл Ц.Цэрэнпунцаг гишүүн хөшөө шүтэж явааг ойлгох ухаан хайрла. Ингэж хэлэхээр, хаа холын эмнэлэгт эхчүүд зутруу байгаад Ц.Цэрэнпунцаг буруугүй, шүүмжлэх юмаа олж ядлаа гэж магадгүй, зарим хүн. Энэ асуудал түүнд хамаатай юу гэвэл хамаатай. Бүр хамгийн их хамаатай.
Тойргийнх нь амаржсан эхчүүд гам ч барьж чадахгүй, эмнэлгийн өрөөнд зутруухан суухад Ц.Цэрэнпунцаг 3 сая, гурван тэрбум бус бүр 32 тэрбум төгрөгөөр хөшөө барих гээд явж байгаа нь өөрөө ёс зүйн том алдаа. Хөшөө барилаа гээд Монгол Улс хөгжихгүй, коронавирусийн халдвар арилахгүй. Эмнэлэгт зутруу суугаа, өнөө маргаашийн хоолны мөнгөө яаж олъё гэж яваа ардын амьдралд ямар ч нэмэр, тусгүй. Харалган төрийн, мунхаг түшээдийн муйхар шийдвэрийн горыг иргэд бид л амсана.
Улсын гарьд Ц.Цэрэнпунцаг их шүтлэгтэй. Тэрбээр гишүүн болсныхоо дараа Бурханы шашинд нөхөн олговор олгох хууль санаачилж байсан удаатай.
Гэхдээ өөрийн бус өрөөлийн нүдээр асуудлыг харж, юу хийвэл ардын амьдралд тустай, хэрэгтэй гэдэг өнцгөөс харж шийдвэр гаргаж, хэрэгжүүлээсэй. Тэгвэл иргэд бидний амьдралд хэрэгтэй, тустай сан.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
энэ нэг тэнэг юмнуудаа сонгохоо л больчихооч дээ. өөрсдөө сонгоо биз дээ?
наад Цэрэнпунцаг чинь бас Улсын төсвийн хэдэн хувийг жил бүр Ганданд хуваарилна гэдэг хууль санаачилж, өргөн барьсан шүү дээ
бөхчүүд бөхөө л барилд
зөв хүнээ сонгожээ Ба аварга шиг дахин дахин сонгоод байждээ
Энэ чинь бас нэг Ганда хийдэд 10 хувь өгье гэсэн хууль санаачлаад байсан биздээ
Спирт архины үйлдвэртэй язартлаа баяжсан хүн дуртай бол өөрийнхөө хөрөнгөөр бариач дээ.
ӨӨ ЭНЭ ОТГОНБИЛЭГИЙН МӨНГИЙГ УГААХЫГ НЬ УГААЖ ИДЭХИЙГ НЬ ИДСЭН ЭНЭ ХУЛГАЙЧ ЭРҮҮГИЙН ЭЛЕМЕНТЭЭС ӨӨР СЭТГЭХ ЮМ ГАРАХГҮЙ НЭГ Иймэрхүү л юм толгойд нь бууна лд аа
Хөгийн юмнуудыг төрийн толгойд з�##�чих юм даа.
Эргүү новш юм аа эмнэлэг,төрөх эмнэлэг ,цэцэрлэг сургууль бариад өгвөл олонд ч тустай,чамд үхэн хатан их хур�##�д суух гэж улайрах үед чинь ч хэрэгтэй бус уу