Тайланд эрийн найман эхнэр нь хуваарийн дагуу эвтэй амьдардаг

Он Дам Сорот гэх Тайланд эр шивээс-мастер ба “Tattoo Salon” ажиллуулдаг ба олон эхнэрээр өөрийгөө хүрээлүүлэн амьдардаг талаар Британийн “The Sun” мэдээллээ. Тодруулбал, тэрбээр найман эхнэртэй. Тэдэнтэйгээ эвтэй найртай, сайхан зохицож амьдардаг талаараа хуучилжээ.

Анхны эхнэртэйгээ найзынхаа хуримын үеэр танилцсан гэнэ. Хос хоёр удалгүй гэрлэсэн байна. Гэрлээд удаагүй ч хоёр дахиа гэрлэжээ. Хоёр дахь гэрлэлтийн шалтгаан нь шинэ хайр байсан аж. Тэр үед Онг Дам өөрийгөө жинхэнэ эр хүн гэж дүгнэсэн нь анхны эхнэртээ өөр бүсгүйд сэтгэл татагдан дурласан гэдгээ нуулгүй үнэнчээр хэлсэн байна. Эхнэр нь ч нөхрийнхөө эр зоригийг үнэлж, хоёр дахь гэрлэлтийг нь зөвшөөрчээ. Харин нэг болзолтойгоор зөвшөөрсөн аж. Хоёр дахь эхнэрээ гэртээ дагуулан ирж, танилцуул гэсэн байна.

Онг Дам ч эхнэрийнхээ болзолыг зөвшөөрснөөр, эхнэр нь хоёр дахь эхнэр болох бүсгүйтэй нь танилцаж, найзууд болжээ. Хоёр дахиа ч хурим найр хийжээ. Энэ мэтээр Онг Дам нийт зургаан удаа гэрлэв. Онг Дам сошиал сүлжээ, мөргөлийн сүм хийд, тэр ч байтугай гэр бүлийн амралт зугаалгынхаа үеэр шинэ шинэ бүсгүйчүүдтэй танилцаж, эцэст нь хуримаа хийсэн байна. 

Найман эхнэр нь бие биетэйгээ зохицож, хоорондоо эвтэй нартай амьдардаг Онг Дамыг маш ихээр баярлуулдаг гэлээ. Тэд хамтдаа жижигхэн байшинд амьдардаг ба эхнэрүүд нь хоёр хоёроороо дөрвөн өрөөнд амьдардаг аж.

Анхны эхнэр хүүхэд төрүүлсэн, өөр хоёр эхнэр нь жирэмсэн байгаа гэлээ. Тэд хуваарийн дагуу шударгаар амьдарч, Онг Дам ч эхнэр болгондоо ижил цаг хугацаа, ижил хайр, халамжаа зориулдаг юм байна. Энэ нь тэдний эвтэй, аз жаргалтай байх нууц хэмээн Онг Дам ярьсан байна.

Найман эхнэрүүд нь зөвхөн нөхрөөрөө тэжээлгэдэггүй бүгд л дор бүрнээ хөдөлмөрлөж, мөнгө олдог байна. Гараар урлалын үнэт эдлэл хийж зардаг тул нөхрөөсөө санхүүгийн хувьд хамааралгүй амьдардаг юм байна. Мөн Онг Дам эхнэрүүдийнхээ хэнийг нь ч албан хүчээр хориогүй, хүссэн үедээ явж болох нөхцөлтэй амьдардаг ажээ. Тайландын уламжлалаар нөхөр нь эхнэрээсээ салах хүсэлтэй байгаа эсэхийг нь гурван удаа асуудаг, үүний дараа нөхрөөсөө салж болдог зан үйлтэй юм байна.

(Эх сурвалж: Flipboard)

Энэ мэдээнд өгөх таны үнэлгээ

Хуваалцаарай Жиргээрэй