Зартай хүчирхийлэгч Жеффри Эпстейн агсны АНУ-ын Ерөнхийлөгч Доналд Трампын талаар хэлэлцэхийн тулд ОХУ-ын Гадаад хэргийн сайд Сергей Лавровтой холбогдох гэж оролдож байжээ. Трамп 2018 онд Норвегийн Хелсинки хотноо ОХУ-ын Ерөнхийлөгч Владимир Путинтэй уулзсан. Тэрнээс өмнө Эпстейн Лавровтой холбогдох гэж оролдсон аж.
Энэ долоо хоногт Конгресс дахь Ардчилсан намынхан Эпстейний хэд хэдэн баримтыг дэлгэсэн юм. Тэдгээр баримтууд дунд Эпстейн Норвегийн Ерөнхий сайд асан Торбьорн Ягланд руу илгээсэн цахим шуудан байсан юм Эпстейн “Лавров надтай уулзсанаар Трампын талаар мэдээлэлтэй болж болно гэдгийг та Путинд санал болгосон нь дээр байх” гэж цахим шуудандаа бичжээ.
Үүнд Ягланд хариулахдаа дараагийн өдөр нь Лавровын туслахтай уулзаж, түүнтэй холбож өгөх талаар санал дэвшүүлж болно гэсэн юм. Эпстейн Лавровтой харилцаа тогтоосон нь одоогоор тодорхойгүй байна.
2019 онд шоронд хоригдож байхдаа нас барсан Эпстейн нь хувийн арал дээрээ эмэгтэйчүүд болон насанд хүрээгүй охидыг хүчирхийлдэг байсан хэрэгтэн. Тэр хувийн арал дээрээ АНУ болон гаднын орнуудын элитүүдийг урьж авчран хууль бус үйл ажиллагаа хийдэг байсан гэж олон америкчууд боддог юм.
Эх сурвалж: Moscow Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.