Борис Жонсон: Орос улс 1945 оноос хойших хамгийн том дайн эхлүүлж магадгүй

ОХУ-ын Украйнд хийхээр төлөвлөж байсан түрэмгийлэл нь 1945 оноос хойш Европ дахь хамгийн том дайн болж магадгүй хэмээн Их Британийн Ерөнхий сайд Борис Жонсон “Би-Би-Си” /ВВС/ агентлагт өгсөн ярилцлагадаа мэдэгдлээ.

“Бидний харж байгаа төлөвлөгөө бол цар хүрээний хувьд 1945 оноос хойших Европ дахь хамгийн том дайн байж магадгүй зүйл гэж хэлэхээсээ би эмээж байна” хэмээн Борис Жонсон хэллээ.

Оросууд Украйн руу довтлох нь гарцаагүй зүйл гэдгийг бас онцлов. Энэ нь “гоёж чимэглэх боломжгүй нотлох баримтууд” нотолж байна гэлээ. Түүнчлэн, түүний хэлснээр, Орос улс довтлох төлөвлөгөөгөө аль хэдийн “ямар нэгэн байдлаар” хэрэгжүүлж эхэлсэн гэв.

Оросын цэргүүд Донбассаар төдийгүй Беларусь болон Киев орчмын газар нутгаар Украйн руу нэвтрэх боломжтой хэмээн Борис Жонсон АНУ-ын Ерөнхийлөгч Жо Байдены тагнуулын мэдээллээс эш татан мэдэгдсэн юм.

Өмнө нь, НАТО-гийн Ерөнхий Нарийн Бичгийн Дарга Йенс Столтенберг Оросын эрх баригчдыг Украйнтай хиллэдэг хилйн бүсээс цэрэг армиа татахгүй байгаа, харин ч цэргийн оролцоогоо улам нэмэгдүүлсээр байна хэмээн буруутгасан. Тэрбээр Донбасст гал зогсоох дэглэм зөрчсөн, мөн өөрийгөө тунхагласан бүгд найрамдах улсуудын оршин суугчдыг хоморголон устгаж байгаа тул Орос руу нүүлгэн шилжүүлсэн талаар “худал мэдэгдэл” бол түгшүүртэй шинж тэмдэг хэмээв.

Барууны улс төрчид Украйнд Оросууд түрэмгийлж болзошгүй хэмээн дөрвөн сар гаруйн хугацаанд анхааруулсаар ирсэн. Нэмж дурдахад, Барууны хэвлэл мэдээллийн хэрэгслүүд Америкийн тагнуулын алба эсхүл нэрээ нууцалсан эх сурвалжаас эш татан цэрэг оруулах хугацааг тогтмол мэдээлсээр байгаа юм.

(Эх сурвалж: ВВС)

Энэ мэдээнд өгөх таны үнэлгээ

Хуваалцаарай Жиргээрэй