ДЭЛХИЙ

АНУ-д есдүгээр сарын 11-ний 9:11 цагт 9.11 жинтэй хүүхэд мэндэлжээ

2001 оны есдүгээр сарын 11-нд Нью Йорк хотод гарсан террорист халдлагын 18 жилийн ой хэдхэн хоногийн өмнө тохиосон билээ.

Гэтэл энэ өдөр нэгэн онцгой ховор давхцал үүссэн байна. Ойн өдөр АНУ-ын Теннеси мужийн Мемфис хотын ойролцоо эмнэлэгт Кристина Браун охин мэндэлсэн юм.

Сонирхолтой нь энэ охин кесарево хагалгаагаар мэндлэхэд оройн 9:11 цаг болж байсан бөгөөд жинг нь хэмжиж үзэхэд яг 9 фунт, 11 унц (4.39 кг) байжээ.

Охины мэндэлсэн Methodist Le Bonheur Germantown Hospital эмнэлгийн сошиал хуудас ийм ховор давхцал болсныг зарласан байна.

Эмнэлгийн координатор Рачель Лафлин “Би 38 жил ажиллахдаа ийм зүйлтэй таарч байгаагүй. Энэ ховор давхцал бяцхан охиныг онцгой хүн болгож байна” гэж ярьжээ.

Кристина охины бие сайн байгаа тул хэдхэн хоногийн дараа гэртээ харина гэж эмнэлгийн захиргаа мэдээлсэн байна.

On 9/11 at 9:11 p.m. weighing 9 lbs. 11 oz., Christina Brown made an unforgettable entrance into the world last night at…

Posted by Methodist Healthcare on Thursday, September 12, 2019

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close