УЛС ТӨР

Т.Доржханд: Ерөнхийлөгчийг парламентаас сонгодог болъё

УИХ-ын гишүүн Т.Доржханд цаг үеийн асуудлаар мэдээлэл хийлээ.

Тэрбээр “ӨнөөдөрУИХ-ын хаврын чуулган нээлтээ хийлээ. Энэ удаагийн чуулганы дараа тодорхой гурван асуудлын ард монголчууд бид гармаар байна.

Нэгдүгээрт, үндсэн хуулийн асуудал. Өнөөдөр Украин-Оросын дайны асуудал үүсээд байна. Ердөө хоёрхон сарын өмнө Казахстанд ийм асуудал үүссэн. Хүн төрөлхтөн ардчиллаа хамгаалж явах эсэх сорилтын өмнө ирчихээд байна. Монгол Улс парламентын ардчиллыг бэхжүүлэх ёстой. Тиймээс үндсэн хуульд өөрчлөлт оруулах хэрэгтэй. Үүнийг ХҮН-аас манлайлж, шахаж ажиллана.

Хоёрдугаарт, улсын төрийн намын тухай хууль. Өнөөдөр улс төрийн намууд бэхжсэн үү, ардчиллын талд бат зогсож чадаж байна уу.

Хөгжлийн банкны асуудал Украины асуудалд дарагдаад хэсэг чимээгүй болсон. Гэхдээ бид мартаж, үүнтэй эвлэрч болохгүй. Буцаад олон нийтийн анхааралд оруулна. Хяналт шалгалтын ажлын хэсэгт ХҮН-аас орсон. Төрийн мөнгийг хүүгүй, урт хугацаагаар авч болохгүй. АН, МАН нь байна уу, хамаагүй хулгай хийсэн мөнгөө төл. Хулгайлсан мөнгөө нууцад хамруулчихдаг, хувьдаа завшдаг байж болохгүй.

Сонгуулийн тогтолцоог өөрчилж бэлэг тараадгийг болих хэрэгтэй. Гишүүдийн тоог өсгөх нь зөв. 76 гишүүн баталсан үеэс хойш хүн амын тоо өссөн. Монгол Улсын Ерөнхийлөгч буюу төрийн тэргүүнийг парламентаас сонгодог байя. Нэг хүний засаглал зөв үү, олон хүний засаглал зөв үү. Иргэдээс сонгогдоод ажлаа булаацалддаг байдлыг халъя" гэв.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
2 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-03-15 15:57

zovoo

Зочин
Зочин
2022-05-12 22:35

Тэгвэл бүх ард түмний ерөнхийлөгч биш , Их хурлын ерөнхийлөгч болно

Холбоотой мэдээ

Back to top button
2
0
Would love your thoughts, please comment.x
()
x