Тивийн аваргаас монголын дугуйчид гурав дахь медалиа хүртлээ
2022 оны гуравдугаар сарын 25-нд Тажикистаны нийслэл Душанбе хотноо эхэлсэн замын дугуйн Азийн аварга шалгаруулах 40 дэх удаагийн тэмцээнээс манай Монголын дугуйчид гуравдахь медалиа авлаа.Тэмцээний эхний өдөр явагдсан эрэгтэй багийн цуваа гараатай ( Team time trial) 24 км-ийн уралдаанд С.Жамбалжамц, Б.Марал-Эрдэнэ, Б.Тэгшбаяр, Э.Билгүүнжаргал нарын бүрэлдэхүүнтэй Монголын баг мөнгөн медаль хүртсэнийг өмнө нь мэдээлсэн.
Тэмцээний хоёрдахь өдөр явагдсан идэрчүүдийн буюу 17-18 насны ангилалд ганцаарчилсан цуваа гараатай 24 км-ийн зайд уралдсан А.Даваажаргал найман орны тамирчидтай өрсөлдөж хүрэл медаль зүүсэн.
Харин өчигдөр болсон эмэгтэйчүүдийн ганцаарчилсан цуваа гараатай (Individual time trial women's Elite) 24 км-т уралдаанд 11 орны " төмөр хүлэгтнүүд" хурд сорьсноос манай Цэрэнлхамын СОЛОНГО 35 мин 04 сек 08 доль амжилтаар Казахстан, Индонезийн тамирчдын дараа орж, хүрэл медаль хүртлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.