АНУ-ын Тэргүүн хатагтай, Ерөнхийлөгч Жо Байдены эхнэр Жилл Байден Румын улсад айлчилж, Украины дүрвэгсэдтэй уулзжээ. Энэ талаар “Ассошиэйтед Пресс” /Associated Press/ агентлаг мэдээлэв.
Агентлагийн мэдээлснээр, Жилл Байден Румыны нийслэл Бухарест хотод байрлаж буй дайнаас дүрвэсэн украин хүүхдүүдийн сургалтын хуаранд зочилсон байна. Жилл Байдены хамт мөн Румыны Тэргүүн хатагтай Кармен Йоханнис байлцсан аж.
Тэрбээр Зүүн Европт хийж буй айлчлалынхаа хүрээнд ийнхүү Украины дүрвэгсэдтэй уулзсан байна. Одоогийн байдлаар 840 мянга гаруй украинууд Румын руу дүрвэж гарснаас 80 мянга орчим нь тус улсад үлдээд байгаа юм.
Эх сурвалж: Associated Press
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.