Алдарт дуучин Женнифер Лопез Италийн Капри хотод болох “Luisa Via Roma” хандивын гала концертод оролцохоор болжээ. Шоу энэ оны долдугаар сарын 30-нд Чертоза-ди-Сан Жакомо түүхэн цогцолборт болох юм.
Тоглолтын үеэр цугларсан хөрөнгийн тодорхой хэсгийг Оросын түрэмгийллийн улмаас эх орноосоо дүрвэн гарсан Украины дүрвэгчдэд зориулах аж.
Хандивын шоу тоглолтын үеэр мөн НҮБ-ын Хүүхдийн Сангаас Иордан дахь Сирийн дүрвэгчдийн амьдарч буй дүрвэгсдийн хуаранд зочилсон талаарх баримтат киног үзэгчдэд толилуулахаар төлөвлөжээ.
Өмнө нь, “Luisa Via Roma” болон НҮБ-ын Хүүхдийн Сангийн хандивын гала концерт 2021 оны арванхоёрдугаар сард Сен-Бартелеми хотод болж байсан. Тухайн үед үдшийн онцлох зочноор дуучин Дуа Липа тодорч байсан юм. Уламжлал ёсоор иймэрхүү хандивын гала концертоор дэлхийн хэмжээний олон ооны алдартнууд оролцдог юм.
Тиймээс өнгөрсөн жилүүдийн нэгэн адил Женнифер Лопезтой өөр бусад алдартнууд ирэх төлөвтэй байна. Өмнөх жилийн шоунуудад Карла Бруни, Наташа Поли, Андреа Бочелли, Хайди Клум болон бусад олон алдар цуутай олод оролцож байсан.
Эх сурвалж: The Saxon
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
dain hurdan duusaasai
ОРОС ЯЛАГДАЖ БАЙЖ Л ДУУСНА ДАА