Олон улсын олимпын хороо (ОУОХ) 2020 оны Токиогийн олимпын наадмын боксын тэмцээний хөтөлбөрийг боловсруулсан байна.
Олимпын боксын тэмцээнийг 13 жингийн ангиллаар зохион явуулах ба эрэгтэй 8, эмэгтэй 5 жингийн ангилалд зохион байгуулна.
Үүнд: Эрэгтэйчүүдийн тэмцээн 52 кг , 57 кг , 63 кг , 69 кг , 75 кг , 81 кг, 91 кг , +91 кг
Эмэгтэйчүүдийн тэмцээн 51 кг , 57 кг , 60 кг , 69 кг, 75 кг жингийн ангиллаар тус тус зохион байгуулагдах юм байна.
Манай улсын тамирчдын болон Азийн боксчдын гол амжилт үзүүлдэг 60 кг-ийн жинд энэ удаад олимпын наадмыг өнжихөөр болжээ.
ОУОХ-ны удирдах зөвлөлөөс AIBA-тай байгуулсан Токио-2020 Олимпын Наадам Зохион Байгуулах Комиссын гэрээг түдгэлзүүлсэн бөгөөд боксын ДАШТ болон олимпын наадмын тэмцээнийг мэргэжлийн боксын аль нэгэн байгууллага зохион байгуулах магадлалтай байгаа юм.
Д.ЖАРГАЛМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.