УЛС ТӨР

Засгийн газар: Агаарын тээвэрт хэрэгжүүлэх арга хэмжээг хэлэлцэж байна

НЭМЭЛТ: 09.55 цаг

Засгийн газрын ээлжит хуралдаанаар хэлэлцэж буй асуудлууд:

  • Шинэ сэргэлтийн бодлогын хүрээнд хэрэгжиж буй төслүүдийн явц
  • Агаарын тээврийн салбарт хэрэгжүүлэх арга хэмжээ
  • Төсвийн хөрөнгөөр хийгдэж буй геологи судалгааны ажлын танилцуулга
  • Чөлөөт бүсийн ажлыг эрчимжүүлэх тухай
  • Төрийн үйлчилгээг цахимжуулах төслүүдийн талаар зэрэг 20 гаруй асуудал хэлэлцэж байна.

ЭХЛЭЛ: 08.12 цаг

Засгийн газрын ээлжит хуралдаан зургадугаар сарын 22-ны лхагва гарагт болж байна. Хуралдаанаар хэлэлцэж буй асуудлууд одоогоор ил болоогүй байгаа бөгөөд энэ тухайд дэлгэрүүлж, эргэн мэдээлнэ.

Мэдээлэл өгөхөд, өнгөрөгч долоо хоногийн Засгийн газрын хуралдаанаар:

·      Төрийн хэмнэлтийн тухай хуульд заасны дагуу Нийслэлийн хөдөлмөр эрхлэлтийн газар болон Нийгмийн халамжийн газрыг нэгтгэж Хөдөлмөр, нийгмийн халамжийн газар болголоо.
·      Мандалговь-Даланзадгад чиглэлийн 305,1 км автозамд гарсан эвдрэлийг засварлах, хөдөлгөөний аюулгүй байдлыг хангахад шаардагдах 3,4 тэрбум төгрөгийг шийдвэрлэх арга хэмжээ авахыг  “Эрдэнэс таван толгой” ХК-ийн Төлөөлөн удирдах зөвлөлийн дарга Д.Батбаатар, гүйцэтгэх захирал Б.Ганхуяг нарт даалгалаа.
·      Хэрэглэгчдийг эрчим хүчээр тасралтгүй, найдвартай хангах зорилгоор эрчим хүчний салбарын өвөлжилтийн бэлтгэл ажилд шаардлагатай сэлбэг материал, тоног төхөөрөмжийг гадаад улсаас татан авах чиглэлээр БНХАУ-ын холбогдох байгууллагуудад уламжлан ажиллахыг Гадаад харилцааны сайдад, тээвэрлэлтийг шуурхай зохион байгуулан ажиллахыг Зам, тээврийн хөгжлийн сайдад үүрэг болгох зэрэг шийдвэрүүдийг гаргасан юм.

Г.САНСАРМАА

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x